Mañakuy
5 ¿Maypitaq, maykʼaqtaq mañakuna?
KAY pachamanta jatuchaq religionesqa, maypichus, maykʼaqchus mañakunata yachachinku. ¿Biblia jinallatataqchu yachachin?
Bibliaqa, imaspaqchus Diosmanta mañakuyta atisqanchikta niwanchik. Jesusqa, manaraq mikhuchkaspa, graciasta quspa, Diosmanta mañakurqa (Lucas 22:17). Jesuspa, discipulosninpis sapa tantakuyninkupi Diosta yupaychanankupaq, mañakuq kanku. Judiosqa, unaymantapacha sinagogaspi, Jerusalenpa templopi ima, mañakuqña kanku. Diosqa, templonmanta nirqa: “Mañakuna wasi nisqa kanqa tukuy runaspaj”, nispa (Marcos 11:17).
Diosqa, kamachisnin juk yuyayllawan, Bibliap nisqanmanjinataq, mañakunankuta, tantakunankuta ima, munan. Mañakuyqa, mana atina ruwaykunasta, ruwanapaq yanapawasunman (Hebreos 13:18, 19). Chayrayku, Jehovamanta sutʼinchaqkunaqa, sapa tantakuyninkupi Diosmanta mañakunku. ¿Manachu mañakuyninkuta uyariyta munawaq? Chaypaqqa, Jehovamanta sutʼinchaqkunap tantakuyninkuman riyta atiwaq.
Bibliaqa, mana niwanchikchu maykʼaqchus, maypichus mañakunataqa. Chaywanpis, Bibliaqa Diospa kamachisnin maykʼaqllapis, mayllapipis kachkaspa, mañakusqankuta sutʼita willawanchik. Jesús nirqa: “Mañakunaykipajqa, cuartoykiman yaykuy; punkuykita wisqʼaykamuspataj, pakaypi Tataykimanta mañakuy. Pakaypi mañakusqaykita rikusoj Tataykitaj tʼinkaykita qosonqa”, nispa (Mateo 6:6).
¿Manachu tukuy Kamachiq Dios mayllamantapis, maykʼaqllapis mañakusqanchikta uyarisqanqa, may sumaq? Chayrayku, Jesuspis sapallan kayta maskʼaq mañakunanpaq. Juk kuti, imatachus ruwananta allinta akllananpaq, tukuy tutata, Diosmanta mañakurqa (Lucas 6:12, 13).
Chantapis, Diospa kamachisninqa, imatachus ruwanankuta, allinta akllanankupaq, jarkʼaykunata atipanankupaq ima, Diosmanta mañakurqanku. Sunqunkupi chayri uyarikunanpaqjina, sapallanku chayri wakkunawan imaynatapis mañakusqankumantaqa, aswan sumaq Diosmanta mañakusqanku. Jehovallataq nirqa: “Mana saykʼuspa, [...] mañakullaychejpuni”, nispa (1 Tesalonicenses 5:17). ¿Manachu Jehová mañakuwaychik niwasqanchik may sumaq? Arí, Diosqa kamachisninta machkha kutitapis mañakusqankuta, uyarin.
Chaywanpis, Diospi mana creeqkunaqa tapukunku, ¿imallapipis mañakuyqa yanapawasunmanchu?, nispa. Ichapis, qam jinallatataq tapukunki.
[9 paginapi sutʼinchaynin]
Diosmanta mañakuyta atinchik maykʼaqllapis, mayllapipis