• Hermanasninchejta sumajpaj qhawana
    Torremanta Qhawaj (Congregacionpaj) 2020 | septiembre
    • Jesusqa tiyasqa yachachishan. Martawan Mariawantaj paypa ñaupaqenpi tiyasqa kashanku, Jesuspa yachachisqantataj uyarishanku. Fotos: 1) Uj qhariwarmi onqosqa hermanitata waturishanku. Qosaqa chay kuraj hermanitawan parlarishan, señorantaj apapusqanku viveresta orqhoshan. 2) Uj qhariwarmi uj hermanata wawitantawan visitarishanku, khuskataj familia jina Diosta yupaychashanku. 3) Uj hermano iskay hermanasta yanapashan, autonkoj ruedanta cambiaspa.

      Hermanasninchejmanta Jesús jina llakikuna (6 al 9 parrafosta qhawariy).e

      6. Lucas 10:38-42 nisqanman jina, ¿imaynatá Martatawan Mariatawan Jesús yanaparqa?

      6 Jesusqa Diosta sirvej warmiswan, hermanasninwan jina kausakoj. Payqa Mariawan Martawan ajinata kausakoj. Chay iskay warmisqa solterassina karqanku (Lucas 10:38-42 leey). Jesustaj paykunata hermanasninta jina qhawaj. Paykunapis Jesusta hermanonkuta jinallataj qhawaj kanku. Chayrayku Mariaqa Jesuspa yachachisqanta uyarinanpaj, mana manchachikuspa ñaupaqenman tiyaykukorqa.c Martapis mana manchachikuspa Jesusman nerqa: “Señor, ¿manachu rikunki hermanay mana ruwaysiwasqanta? Niy ari yanapanawanta”, nispa. Jesusqa chay kutipi, Mariamanwan Martamanwan ashkha imasta Diosmanta yachacherqa. Chantapis paykunata, hermanonku Lazarotapis mayta munakoj. Chayrayku Jesusqa paykunata waturikoj rejpuni (Juan 12:1-3). Chantachá Martawan Mariawanqa, Lázaro sinchʼita onqoykojtin chay rato Jesusman willacherqanku (Juan 11:3, 5).