¿Yuyarinkichu?
¿Kay killasmanta Torremanta Qhawaq revistasta ñawirirqankichu? ¿Kay tapuykunaman kutichiyta atiwaqchu?
• ¿Ima chʼampaykunapitaq wakin cristianos casarakuytawan rikukunku, chantá imatataq ruwananku tiyan?
Casarakuytawan jukchhika tiempoman, warminkuwan chayri qusankuwan mana allinta apanakusqankuta reparakunku. Chaywanpis mana tʼaqanakuyta maskʼanankuchu tiyan, Biblia nisqanmanjina Jehovaqa, chiqnikun mana qhinchachakuy kaptin divorciakuytaqa (1/4, página 25).
• ¿Ima tawa yuyaychaykunataq, qhariwarmi kawsaypi phiñanakuyninkuta allinchanankupaq yanapanman?
Maykʼaqchus parlanaykichikpaq tiempochakuychik (Ecl. 3:1, 7). Imatachus yuyasqaykita sutʼita, kʼachamantataq niy (Efe. 4:25). Qusaykita chayri warmiykita uyariy, imaynachus sunqun kasqanta entiendey (Mat. 7:12). Allinchayta maskʼaychik, iskayniykichiktaq chayta ruwanaykichikpaq kallpakuychik (Ecl. 4:9, 10) (Julio-Septiembre, páginas 25-27).
• Jesús Diosmanta mañakuyta yachachisqanmanjina, ¿imaynatataq runa masinchikpaq allin kaqta ruwasunman?
Allin kaqta ruwanchik, contranchikpi juchallikuqkunata, khuyakuspa perdonaspa (1/5, página 13).
• Diospa Llaqtanta Kamachiqkunamanta, ¿mayqinkunataq suqta comisiones kanku?
Umachaqkunamanta Comisión, Llamkʼaqkunapaq Comisión, Publicacionespaq Comisión, Willaypaq Comisión, Yachachiypaq Comisión, Qillqaqkunapaq Comisión (1/6, página 29).
• ¿Imaynatataq yachanchik chiqamantapuni Jatun Para tukuy Jallpʼata pʼampaykusqanta?
Jesusqa, mana Jatun Para kasqallantachu yacharqa, manaqa tukuy Jallpʼa yakuwan pʼampasqa kasqanta yacharqa. Chayrayku Bibliaqa, kay saqra pachap tukukuyninta, kay Jatun Parawan kikinchan (Julio-septiembre, página 9).
• Romanos 1:24-32 pʼitipi, ¿judiosmanchu chayri mana judiosmanchu, chay millay ruwaykunata ruwasqankuta, nikurqa?
Ichapis iskayninkuta chayta nispa juchachanman karqa, chaywanpis Pabloqa, Diosta wasanchaspa churanakuq judiosman chayta nichkarqa. Imaptinchus, israelitasqa, “Diospa juicionmanta” yachachkaspa, Diospa kamachisqasninta mana juntʼarqankuchu (1/6, página 30).
• ¿Imaynatataq Diosta yupaychaypi atisqallanchikta ruwaspa kusiyta tarisunchik?
Mana ruwayta atisqanchikta, ruwayta munaptinchikqa, llakiyllapi kasun. Chaywanpis, ñuqanchikmanta anchata khuyakuyqa, mana allinchu, imaptinchus manaña tukuy atisqanchikwan Diospaq llamkʼasunchu (15/7, página 29).