¿Wañuspa waj vidamanchu yaykunchej?

Bibliaj kutichisqan

Bibliaqa nin: “Kawsashajkunaqa wañunankuta yachakunku; wañusqasrí mana imatapis yachankuchu, manataj imatapis tarinkuñachu, imaraykuchus paykunaqa qonqayman churasqa kanku”, nispa (Eclesiastés 9:5; Salmo 146:4). Arí, wañuspaqa manaña imatapis reparanchejchu, mana piensanchejchu, nitaj imatapis ruwanchejchu.

“Jallpʼallamantaj kutinki”

Diosqa Adanman nerqa payta mana kasukojtin imachus kananta. Dios nerqa: “Jallpʼa kanki, jallpʼallamantaj kutinki”, nispa (Génesis 3:19). Adanqa Diosninchej “ñutʼu jallpʼamanta” ruwajtinraj rikhurerqa. Payqa aswan ñaupajta mana karqachu (Génesis 2:7). Chantapis payqa, wañuspa jallpʼallamantaj tukuporqa.

Jinallataj noqanchejwanpis. Noqanchejqa animales jinallataj wañuspa jallpʼaman tukunchej. Chayrayku Bibliaqa runasmanta animalesmantawan nin: “Tukuyninku uj cheqallaman rinku: jallpʼamanta ruwasqa kasqankurayku, jallpʼallamantaj tukunku”, nispa (Eclesiastés 3:19, 20).

Watejmanta kausayta atenqanku

Bibliaqa wañuyta sinchʼi puñuywan kikinchan (Salmo 13:3; Juan 11:11-14; Hechos 7:60). Pillapis wañusqata puñurparispaqa mana imatapis sientenchu. Ajinallatataj wañusqaspis mana imata sientenkuchu. Jinapis Bibliaqa niwanchej, Diosninchej wañusqasta rijchʼarichinanta, jatarichimunatataj (Job 14:13-15). Arí, pikunachus kausarichisqa kajkunaqa, watejmanta kay jallpʼapi kausakuyta atenqanku.