Tukuy “hermanosta munakuychej”

Chay palabrasqa, casi 2.000 watas ñaupajtaña qhelqakorqa (1 Ped. 2:17). Chaywanpis kunan astawan yuyarinanchej tiyan. Chantá, ¿imaynatá jallpʼantinpi hermanosta munakusunman? Runaspa munakuyninkoqa chinkapushan. ¿Imatá ruwasunman mana jinapi rikukunapaj? (Mat. 24:12.) Toda nuestra asociación de hermanos nisqa videota qhaway, kay tapuykunamantaj kutichiy.

1) ¿Maykʼajmantapachataj Jehová Diospa familianpi kajkunaman ujchaykukunchej? 2) ¿Ima kinsa ruwaykunapitaj yanapakushanchej? 3) ¿Imaynatá hermanosninchej Alaskapi, Europaj barco sayanasninpi, Peruj montesninpi ima willayta munasqankuta rikuchinku? 4) ¿Imaraykutaj willayninchejta may jatunpaj qhawana tiyan? 5) Jallpʼa ikhakuy, sinchʼi wayra, chayri layankurayku maqanakuy kajtin, ¿imaynatá Jehovaj testigosnin sonqochanakorqanku, yanapanakorqanku ima? 6) ¿Imaynatá cheqa cristianos kasqanchejta rikuchisunman? (Juan 13:35.) 7) ¿Imaynatá Tantakuna Wasita ruwaysikuy kallpachawanchej? 8) Europamanta, Rusiamanta hermanos ima qhatiykachasqa kashaspa Jehovamanta mana karunchakunankupaj, ¿imatá ruwarqanku? 9) ¿Imatá ashkha hermanos tʼukunapaj jina ruwanku jatun tantakuyman rinankupaj? ¿Imaraykutaj? 10) ¿Imaynatá kay video kallpachasunki 1) Jehovata hermanoswan khuska yupaychanaykipaj, 2) wajkunata llakiypi rikukojtinku yanapanaykipaj chantá 3) mayllapipis kashaspa willanaykipaj? 11) ¿Imaynatá kay videowan runasta yanapasunman?

Jehová Diosta munakusqanchej, hermanosninchejman astawan ujchawanchej. Chayrayku Diosmanta yachakuspa miskʼichikunchej, wajkunamantaj willayta munanchej. Chantapis pikunatachus Jehová munakun paykunata munakunchej. Llakiypi tarikojtinku yanapajtinchej, mana suyanchejchu Dios agradecenawanchejta. Astawanpis noqanchej Payman agradecekunchej, llajtanman yaykuyta saqewasqanchejmanta. Kay sajra pacha tukukushajtinpis, tukuy hermanosninchejta munakullasunpuni.