Diospa libronqa, may sumaj

1. Uj libro tiyan, sonqo tiyaykuyta,

sumaj kusiyta, suyakuyta qon.

Yachachisqasnin may kallpayojpuni,

kʼanchayta, kausaytapis kayqa qon.

Kay sumaj libro, Diospa qosqan Biblia,

qhelqajkunata, yuyaycharqa, Dios.

Espiritunwan pusachikorqanku.

Qanta sonqowan munakuspa, Dios.

2. Cheqatapuni, runas qhelqarqanku,

tukuy imata ruwasqanta, Dios.

Adanqa juntʼa runa karqa ninku,

chantá chinkarqa sumaj Jallpʼa, nin.

Uj angelmanta parlallarqankutaj,

Diospa contranpi churakorqa, pay.

Apamun Pay juchata, ñakʼariyta,

tumpamantawan atipanqa, Dios.

3. Kunan kausanchej may kusiy tiempopi.

Kamachishanña, Jesucristo Rey.

Jehová Dios, kay pʼunchaypi pay salvanqa.

Kamachisqanta kasukojta, nin.

Sumaj willayta, kay libro yachachin,

kayqa may sumaj yachachiyta qon.

Qowanchej Dios sonqo tiyaykuyninta;

ñawirinapaj wajyawanchej, pay.