¿Imaynatá Jesuspa Wañuyninta Yuyarinapaj wakichikusunman?

Kay watamantapacha Jesuspa Wañuyninta Yuyarinapaj tantakuypaj wakichikunapaj astawan tiempo kanqa. Imajtinchus chaupi semanapi chay tantakuyta ruwakojtenqa, chay semanapi Cristiano Kausayninchej tantakuy mana kanqachu. Semana tukukuyta kajtintaj, semana tukukuypi reunión mana kanqachu. Chay tiempopitaj ñaupa cristianospa tiemponkupi jina, chay chʼisipaj wakichikusunman (Lu 22:7-13; km 3/15 pág. 1). Chantá, ¿imaynatá sonqonchejta wakichisunman?

• Chay tantakuyman riy sumajpuni kasqanpi piensarispa (1Co 11:23-26).

• Jehová Diosman orakuspa, payman imaynatachus astawan qayllaykushasqanchejta qhawarikuspa ima (1Co 11:27-29; 2Co 13:5).

• Jesuspa wañuyninmanta sutʼinchaj publicacionesta leerispa, chaypitaj tʼukurispa (Jn 3:16; 15:13).

Wakenqa Diospa Palabranta sapa pʼunchay ukhunchana folletopi nisqanman jina, chay semanapaj ajllasqa versiculosta leerispa tʼukurinku. Wakenqa kay urapi rikhurej recuadropi nisqanman jina leerinku. Wakintaj leerinku Torremanta Qhawaj revistaspi Jesuspa wañuyninmanta parlaj yachaqanasta, Jesuswan Jehová Dioswan munakuwasqanchejmanta parlaj yachaqanastawan. Chay jinasmanta estudiaspa, chayri waj jinasmanta estudiaspaqa, Jehovaman, Jesusman ima astawan qayllaykusunchej.