1 YACHAQANA

Sumajta parlariy

Hechos 17:22

KAYPI YACHAKUNKI: Runas uyariyta munanankupaj jina, entiendesunankupaj jina, yanaparinaykipaj jinataj parlariyta.

Uyariyta munanankupaj jina parlariy. Chaypajqa uj tapuymanta, uj experienciamanta, uj noticiamanta chayri imasmantachus runas astawan parlayta munasqankumanta parlariwaj.

Ñaupajmantaña piensariy imaspichus runas yuyashasqankupi, imachus llakichisqanpi ima. Chayman jinataj parlayta qallariy.
Entiendesunankupaj jina parlariy. Imamantachus parlasqayki, imajtinchus parlasqayki ima, uyarejkunapaj sutʼi kanan tiyan.
Yanaparinaykipaj jina parlariy. Pikunamanchus parlarinayki kasqanman jina wakichikuy. Uyarejkunaqa sutʼita entiendenanku tiyan imamantachus parlasqaykiwan imaynatachus yanapachikunankuta.

Uj discursota wakichikushaspaqa tʼukuriy imaspichus congregacionniykimanta hermanos rikukushasqankupi. Chantá hermanosta yanaparinaykipaj jina wakichikuy.