17 YACHAQANA

Entiendenankupaj jina parlay

1 Corintios 14:9

KAYPI YACHAKUNKI: Uyarejkunata entiendenankupaj yanapayta.

Sumajta wakichikuy. Imamantachus parlanayki kashan chayta sumajta entiendey. Ajinamanta entiendenankupaj jina mana leespalla sutʼinchayta atinki.
Entiendesunankupaj jina pisi palabrasllawan parlay. Yachachishasqaykimanta imastachus uyarejkuna yachakunankuta munanki chay imasmantaqa, pisi palabrasllawan sutʼinchay.

Imamanta sutʼinchashaspapis ama tukuy imamantapunichu parlay. Tukuy imamanta parlaspaqa uyarejkunata saykʼuchinki, umankutataj muyuchinki. Chayrayku pisi palabrasllawan entiendesunankupaj jina parlariy.
Mana rejsisqa palabrasta sutʼinchay. Imastachus uyarejkuna mana rejsinkuchu chay imasmantaqa, ama anchata parlaychu. Sichus uj mana rejsisqa palabramanta parlanki chayqa, imachus chay palabra niyta munasqanta sutʼinchay. Ichapis mana rejsisqa palabras kankuman ñaupa tiempomanta uj runaj sutin chayri ñaupa tiempomanta medidas, manachayri ñaupa tiempomanta costumbres.