¿Llakiykuna chinkanqachu?
¿Ima niwajtaj?
¿Chinkanqa niwajchu?
¿Mana chinkanqachu niwajchu?
¿Ichapis chinkanqa niwajchu?
BIBLIAQA NIWANCHEJ
“Diosmin [...] ñawisninkumanta tukuy waqayta pichanqa, manañataj wañuy kanqachu, nitaj llakiypis, nitaj waqaypis, nitaj nanaypis” (Apocalipsis 21:3, 4, Diospa Palabran).
KAYTA YACHAYQA YANAPAWANCHEJ
Llakiykunasninchejmanta mana Dioschu juchayoj (Santiago 1:13).
Diosqa yachan sufrispa imaynachus kasqanchejta (Zacarías 2:8).
Llakiykuna chinkananta suyakuyta atinchej (Salmo 37:9-11).
¿IMARAYKUTAJ BIBLIAJ NISQANPI CREESUNMAN?
Kay iskay imasrayku:
Diosqa mana munanchu sufrinanchejta. Jehová Diosqa unay tiempopi llajtanta “enemigosninku sinchʼita ñakʼarichejtinku, waqachejtinku ima” sonqonta nanachikorqa (Jueces 2:18).
Diosqa mana munanchu wajkunata sufrichinanchejta. Payqa “mana juchayoj runata wañuchej makista” chejnikun (Proverbios 6:16, 17).
Jehová Diosqa sapa ujta munakuwanchej. Runaqa yuyan, paylla “llakiyninta, nanaynintapis” yachasqanta, jinapis Jehová Diosqa yachan sapa ujpa llakiyninta (2 Crónicas 6:28-30).
Jehová Diosqa Gobiernonnejta tukuy llakiyninchejta chinkachenqa (Mateo 6:9, 10). Chay tiempo chayamunankamataj tukuyta sonqochawanchej (Hechos 17:27; 2 Corintios 1:3, 4).