Maychus kajta yachachiy

Lucas 1:3

KAYPI YACHAKUNKI: Uyarejkunata yanapariyta aswan sutʼita entiendenankupaj. Chaypajqa Bibliamanta leeriy chayri wakin runaspa qhelqasqanku imasmanta parlariy.

¿IMAYNATÁ CHAYTA RUWAWAJ?

• Ama llulla imasmanta parlanaykipaj sumajta qhawarikuy. Diospa Palabranmantapuni parlariy, atikusqanman jinataj Bibliamanta leeriy. Cientificospa ruwasqankumanta, uj noticiamanta, uj experienciamanta, chayri waj imasmanta parlanayki kajtin, sumajtaraj qhawariy imamantachus parlayta munashasqayki verdadchus manachus kasqanta.

• Ama yapasqata parlaychu. Uj versiculomanta sutʼinchasqaykeqa Bibliaj nisqanman jina, “allin kamachi yuyayniyoj” publicacionespi sutʼinchasqanman jinataj kanan tiyan (Mat. 24:45). Radiopi noticiasta uyarisqaykimanta chayri waj imasmanta parlariyta munaspataj, ama imatapis chayman yapaykuychu.

• Uyarejkunata tʼukurichiy. Uj versiculota leeytawan chayri waj runaspa qhelqasqanku imasmanta parlaytawan, wakin tapuykunata ruway. Chayri uj kikinchaywan sutʼinchariy imamantachus parlasqaykita aswan sutʼita entiendenankupaj.