Jehovaj testigosnin, ¿cristianoschu kankichej?

Arí, cristianos kayku, imaraykuchus:

• Kallpachakuyku Jesús jina ruwanapaj, yachachisqanman jina kausakunapaj ima (1 Pedro 2:21).

• Jesusnejllata salvasqa kanaykuta yachayku, imaraykuchus “kay pachapi mana waj suti runasman qosqa kanchu, salvasqa kananchejpaj” (Hechos 4:12).

• Jehovaj testigosnenqa, Jesuspa sutinpi bautizakuyku (Mateo 28:18-20).

• Jesuspa sutinpi mañakuyku (Juan 15:16).

• Jesusqa sapa qharipaj kamachej uma jina kasqanta creeyku (1 Corintios 11:3).

Noqaykoqa mana waj religionmanta runaswan kikinchu kayku. Imaraykuchus Bibliaj yachachisqantapuni creeyku. Sutʼincharinapaj, Bibliaqa yachachin, Jesusqa Diospa Wawan kasqanta, nitaj kinsa uyayoj dioschu (Marcos 12:29). Chantapis Biblia yachachisqanman jina, almaqa wañun, Diosqa mana runasta infiernopi qʼolachinchu, religionta kamachejkunapis mana jatunchachikunankuchu tiyan. “Chaykunapitaj noqayku creeyku“ (Eclesiastés 9:5; Ezequiel 18:4; Mateo 23:8-10).