Jatunchayki Jehová Diosníy

1. Mayta Jehová jatunchayki,

sumaj kamachej Reyníy.

Tukuy imata qowanki,

juchayoj kajtiypis Diosníy.

Atiyniykita rikuspa

mayta tʼukuni Tatáy.

¿Pitaj Tatáy noqa kani

khuyakunawaykipaj Dios?

2. Ruwasqasniywan munani

jatunchasuyta Diosníy.

Qanpaj kausani Jehová Dios,

willani qanmanta Tatáy.

Jatun Diosníy sirvikuyki,

chayqa kusichiwanmin.

Qanlla kallpata qowanki.

Jatunpaj qhawawanki Dios.

3. Inti, killapis, chʼaskaspis,

mayus, qochaspis Diosníy,

mayta tʼukurichiwanku

munakuwasqaykipi Dios.

May yachayniyoj kasqayki

sutʼi rikukun Diosníy.

Tukuy imata ruwanki,

chayrayku jatunchaykimin.