7 tʼaqaj qallariynin

Kay tʼaqapi yachakusun rey Saulmanta, rey Davidmanta, imaschus 80 wataspi pasasqanmantawan. Saulqa rey kayta qallarishaspa kʼumuykukoj sonqo karqa, Diostapis kasorqa, qhepamantaj manaña. Chayrayku Diosqa payta qhesacharqa. Chantá Samuelta nerqa Davidpa umanman aceitewan jichʼaykunanta Israelpi rey kananpaj. Saulqa Davidmanta envidiakuspa sapa kuti wañuchiyta munarqa. Davidtaj mana vengakorqachu. Saulpa wawan Jonatanqa yacharqa Davidta Jehová Dios rey kananpaj ajllasqanta. Chayrayku payta yanaparqa. Davidqa jatun juchapi urmaspapis, Dioswan yanapachikorqa. Wawasniykiman yachachiy Diosta, congregacionpi ñaupajman apajkunata ima kasukuyta.