Ezequielqa kausajkunata rikun

Ezequielqa rikorqañachá jatuchaj estatuasta. Chay estatuasqa karqanku, torosmanta, leonesmanta, lijrasniyoj, runa umasniyojtaj. Chaykunataj kasharqanku kamachina wasispa punkusninpi, templospa punkusninpi. Chay jina estatuastaj karqanku tukuynin Asiriapi, Babiloniapi ima. Runasqa chay jina estatuasta rikuspa tʼukoj kanku. Ezequielpis ichá tʼukulla kasharqa 6 metrosniyoj estatuasta rikuspa. Chay estatuasqa tʼukunapaj jina karqanku. Jinapis rumimanta ruwasqaslla, mana kausayniyoj karqanku.

Ezequiel rikorqa chay kausajkunatajrí, mana chay estatuas jinachu karqanku. Ezequielqa tʼukullachá kasharqa chayta rikusqanmanta. Chayrayku Ezequiel ñaupaj kaj capitulonpi 11 kutistapuni kausajkuna palabrata oqharerqa (Eze. 1:5-22). Ezequielqa rikorqa chay kausajkuna khuska uj ladollaman rishasqankuta Jehová Diospa kamachina tiyananpa uranpi. Ezequielqa chaypi yachakorqa Jehovaqa tukuy ima ruwasqanta kamachishasqanta. Chay rikusqanqa noqanchejtapis tʼukuchillawanchejtaj, rikuchiwanchejtaj Jehová Diosqa “may jina jatun, manchay atiyniyoj”, “manchayta lliphipej” kamachejtaj kasqanta (1 Cró. 29:11).