Kʼumuykukoj sonqo kay
¿Ima nintaj Jehová kʼumuykukoj sonqo runasmanta, jatunchakojkunamanta ima?
Sl 138:6; Pr 15:25; 16:18, 19; 22:4; 1Pe 5:5
Leerillaytaj Pr 29:23; Isa 2:11, 12.
Chaymanta parlaj versículos:
2Cr 26:3-5, 16-21. Rey Uziasqa umata oqharisqanrayku Diospa Leyninta pʼakerqa, payta yuyaychajtinkutaj phiñakorqa. Chayrayku Diosqa payta lepra onqoywan castigarqa.
Lu 18:9-14. Jesusqa uj kikinchaywan sutʼincharqa Jehová imatachus yuyasqanta jatunchakojkunaj mañakuykunasninkumanta, kʼumuykukoj sonqo runaspa mañakuykunasninkumanta ima.
¿Imatataj Jehová ruwan uj kʼumuykukoj sonqo runa sonqomantapacha arrepientekojtin?
Chaymanta parlaj versículos:
2Cr 12:5-7. Rey Rehoboamwan Judamanta kuraj kamachejkunawanqa Jehovaj ñaupaqenpi kʼumuykukorqanku, chayraykutaj Jehová mana paykunata tukucherqachu.
2Cr 32:24-26. Kʼacha rey Ezequiasqa umata oqharerqa, jinapis sonqomantapacha kʼumuykukorqa, Jehovataj payta perdonarqa.
Kʼumuykukoj sonqo kay, ¿wajkunawan allinta apanakunapaj yanapawanchejchu?
Ef 4:1, 2; Flp 2:3; Col 3:12, 13
Chaymanta parlaj versículos:
Gé 33:3, 4. Jacobqa hermanon Esaú payta chejnikojtinpis, kʼumuykukoj sonqo kasqanrayku paywan allinyakorqa.
Jue 8:1-3. Juez Gedeonqa may kʼumuykukoj sonqo kasqanrayku Efraín ayllumanta kajkunaman nerqa paykunaj ruwasqanku aswan sumaj kasqanta. Ajinamantataj phiñakuyninkuta tiyaykucherqa, nitaj uj chʼajwa rikhurerqachu.
¿Imaynatataj Jesús rikucherqa kʼumuykukoj sonqo kay may allin kasqanta?
Mt 18:1-5; 23:11, 12; Mr 10:41-45
Chaymanta parlaj versículos:
Isa 53:7; Flp 2:7, 8. Profetas nerqanku jina, Jesusqa kʼumuykukoj sonqowan kay jallpʼaman jamorqa, noqanchejraykutaj ñakʼarichisqa, kʼumuykachachisqa kaspa wañorqa.
Lu 14:7-11. Jesusqa uj casamientoman rej invitadosmanta parlaspa yachacherqa kʼumuykukoj sonqo kana kasqanta.
Jn 13:3-17. Jesusqa uj kamachi jina apostolesninpa chakisninkuta mayllarqa, ajinamantataj paykunaman yachacherqa pay jina kʼumuykukoj sonqo kananku kasqanta.