Waj religioneswan tantakuspa Diosta yupaychaymanta
¿Tukuy religioneschu kikin Diosta yupaychanku?
¿Tukuy religionestachu Jehová allinpaj qhawan mana kikin imastachu yachachejtinkupis?
Mt 7:13, 14; Jn 17:3; Ef 4:4-6
Chaymanta parlaj versículos:
Jos 24:15. Josueqa nerqa Jehovatachus chayri waj dioskunatachus yupaychanata sapa uj ajllakuna kasqanta.
1Re 18:19-40. Jehovaqa profeta Eliasnejta yachacherqa cheqa Diosta yupaychajkunaqa, mana waj diosesta yupaychanankuchu kasqanta.
¿Imaynatá Jehová qhawaj waj nacionespa diosesninkuta, chay diosesta yupaychasqankuta ima?
¿Jehová allinpajchu qhawan runas payta yupaychashasqankuta nispa paypa chejnisqan imasta ruwasqankuta?
Isa 1:13-15; 1Co 10:20-22; 2Co 6:14, 15, 17
Chaymanta parlaj versículos:
Éx 32:1-10. Aaronqa israelita hermanosninta kasuspa, uj waka uñata ruwarqa “Jehová Diospaj uj fiestata ruwasunchej” nispa, Jehovataj chay ruwasqanmanta mayta phiñakorqa.
1Re 12:26-30. Rey Jeroboanqa mana munarqachu kamachisqan jallpʼaspi tiyakoj runas Jerusalén temploman rinankuta, chayrayku payqa Jehovata yupaychanankupaj santosta ruwacherqa, ajinamantataj runasta juchaman urmacherqa.
¿Imatataj Jehová israelitasman nerqa waj diosesta yupaychajkunawan ujchakunankumanta?
¿Imatataj Jehová ruwarqa llajtanmanta kajkuna waj religionesmanta runaswan tantakuspa waj diosesta yupaychajtinku?
Jue 10:6, 7; Sl 106:35-40; Jer 44:2, 3
Chaymanta parlaj versículos:
1Re 11:1-9. Rey Salomonqa waj nacionesmanta warmisninta kasuspa, runasta tanqarqa waj diosesta yupaychanankupaj, ajinamantataj payqa Jehovata phiñacherqa.
Sl 78:40, 41, 55-62. Asafqa nerqa israelitas Diospa contranpi oqharikuspa, waj diosestataj yupaychaspa Jehovaj sonqonta nanachisqankuta, chayraykutaj Jehová paykunata qhesachasqanta.
Mana Diospa Palabranman jinachu yachachej religionesta, ¿Jesús allinpajchu qhawaj?
Chaymanta parlaj versículos:
Mt 16:6, 12. Jesusqa nerqa fariseospa, saduceospa yachachisqanku levadura jina usqhayllata tukuynejman chayasqanta, Diospa Palabranmanta cheqa yachachiykunatataj mana allinman tukuchisqanta.
Mt 23:5-7, 23-33. Jesusqa leymanta yachachejkunata, fariseosta ima juchacharqa, puraj uya kasqankumanta, llulla imastataj yachachisqankumanta.
Mr 7:5-9. Jesusqa sutʼiman orqhorqa leymanta yachachejkunapis, fariseospis costumbresnillankuta valechisqankuta, nitaj Diospa Palabrantachu.
¿Jesús munarqachu discipulosnin tʼaqanakuspa waj religionesta rikhurichinankuta?
Chaymanta parlaj versículos:
Jn 15:4, 5. Jesusqa uj uva sachʼamanta parlarqa discipulosnin payman ujchasqallapuni kananku kasqanta, nitaj tʼaqanakunankuchu kasqanta sutʼinchananpaj.
Jn 17:1, 6, 11, 20-23. Jesusqa wañuchisqa karqa chay diaj ñaupaj chʼisin, apostolesninwan kashaspa Tatanmanta mañakorqa discipulosnin ujchasqallapuni kanankupaj.
Ñaupa cristianos, ¿kikin imaspichu creej kanku, Diostapis tukuyninkuchu kikinta yupaychaj kanku?
Chaymanta parlaj versículos:
Hch 11:20-23, 25, 26. Antioquiamantawan Jerusalenmantawan congregacionesqa sumaj ujchasqas karqanku, uj yuyayllataj llankʼarqanku.
Ro 15:25, 26; 2Co 8:1-7. Ñaupa tiempomanta ashkha congregacionesmanta hermanosqa, tukuy sonqo kapuyninkumanta qorqanku hermanosninkuman yanapata apachinankupaj, ajinamanta paykunaqa rikucherqanku munanakusqankurayku ujchasqa kasqankuta.
Cristopi creesqankuta nej religionesta, ¿tukuyninkutachu Dios allinpaj qhawan?
¿Dios allinpajchu qhawan manaña Jesuspa yachachisqanman jinachu, nitaj apostolespa yachachisqankuman jinachu yachachejkunata?
Chaymanta parlaj versículos:
Mt 13:24-30, 36-43. Jesusqa nerqa ashkha llulla cristianos qhora jina rikhurinankuta, congregacionmantaj mana reparayllata yaykunankuta.
1Jn 2:18, 19. Pachaj wata chayta apóstol Juanqa machituña kashaspa nerqa ashkha anticristosña rikhurisqanta.