Wawas, jóvenes
Imaynatachus Dios wawasta qhawasqanmanta
¿Imaraykutaj ninchej Jehová wawastapis jovenestapis may valorniyojpaj qhawasqanta?
Dt 6:6, 7; 14:28, 29; Sl 110:3; 127:3-5; 128:3, 4; Snt 1:27
Leerillaytaj Job 29:12; Sl 27:10; Pr 17:6.
Leerillaytaj “Familia” nisqata.
Chaymanta parlaj versículos:
Gé 1:27, 28. Imatachus Dios kay jallpʼapaj munasqan juntʼakunanpajqa, wawasniyojpuni kana karqa.
Gé 9:1. Diosqa Jatun Para pasayta Noeta, wawasnintapis nerqa wawasniyoj kanankuta, kay jallpʼamantaj juntʼanankuta.
Gé 33:5. Diospa kamachin Jacobqa wawasninta Diosmanta uj bendicionta jina qhawarqa.
Mr 10:13-16. Jesuspis Tatan jinallataj wawasta munakun.
¿Imatataj Jehová yuyan wawasmanta aprovechakojkunamanta chayri wawasta sufrichejkunamanta?
¿Bibliaj ima yuyaychaykunasnintaj entiendechiwanchej wawasqa mana kuraj runaspa ruwanankuta ruwanankuchu kasqanta?
Chaymanta parlaj versículos:
Gé 33:12-14. Jacobqa llajtanman kutipushaspa calmallawan rerqa, wawaspa purisqankuman jinalla.
¿Dioschu juchayoj wawas sufrisqankumanta?
¿Imaraykutaj ninchej Jehová wawaspa sufrisqankuta, machu runaspa sufrisqankutapis chinkachinanta?
Tatasninchej mana allin kausayniyojchu kasqanku chayri sufrichiwasqanchej, ¿ninayanchu mana valorniyoj kasqanchejta chayri paykuna jinallataj ruwananchej kasqanta?
Leerillaytaj Dt 30:15, 16.
Chaymanta parlaj versículos:
2Re 18:1-7; 2Cr 28:1-4. Ezequiaspa tatanqa manchay sajra karqa, wakin wawasnintapis wañucherqa. Jinapis wawan Ezequiasqa kʼacha rey karqa, Jehovatataj kasukorqa.
2Re 21:19-26; 22:1, 2. Josiasqa tatan Amón manchay sajra kajtinpis, may sumaj rey karqa.
1Co 10:11, 12. Apóstol Pabloqa sutʼincharqa wajkunaj pantasqasninkumanta yachakuyta atisqanchejta, ama paykuna jina ruwananchejpaj.
Flp 2:12, 13. Apóstol Pabloqa nerqa salvacionta tarinapaj sapa uj kallpachakuna kasqanta.
Wawaspa, jovenespa ruwanasninku
Wakin wawaspataqa tatallanku chayri mamallanku Jehovata yupaychan. Chayrayku, ¿imaynatá Jehová paykunata qhawan?
Sichus tatas Diospa sumaj amigosnin kanku chay, ¿ninayanchu wawasninkupis Diospa sumaj amigosnillantaj kasqankuta?
Chaymanta parlaj versículos:
Le 10:1-3, 8, 9. Kuraj kaj sacerdote Aaronpa wawasnenqa, machaykusqankuraykusina wañuchisqa karqanku.
1Sa 8:1-5. Profeta Samuel cheqan runa kajtinpis, wawasnenqa sajrata ruwajkuna karqanku.
¿Imatataj wawas ruwananku tiyan Diosta kusichinankupaj?
¿Imaraykutaj wawas tantakuykunaman rinanku tiyan?
Chaymanta parlaj versículos:
Mt 15:32-38. Jesuspa yachachisqanta uyarejkuna ukhupeqa, wawaspis kashallarqankutaj.
¿Imaraykutaj ninchej Jehovaqa wawaspis payta yupaychanankuta munasqanta?
Chaymanta parlaj versículos:
1Sa 17:4, 8-10, 41, 42, 45-51. Jehovaqa David jovencitollaraj kashajtin, paywan atipacherqa uj jatun sajra soldadota, ajinamantataj Jehová sutinta jatuncharqa.
2Re 5:1-15. Jehovaqa Israelmanta imillitamanta valekorqa, Siria suyoj soldadosninpa comandanten payta rejsinanpaj.
Mt 21:15, 16. Jesusqa may jatunpaj qhawarqa wawas payta respetasqankuta.
¿Imaynatá Jehová qhawan mana testigo tatasninkuwan tiyakoj wawasta?
Chaymanta parlaj versículos:
Nú 16:25, 26, 32, 33. Wakin runasqa Moisespa, Aaronpa contranpi oqharikorqanku. Jehovataj chay runasta, paykunaman kutikoj familiaresninkutawan castigarqa.
Nú 26:10, 11. Coreqa wañuchisqa karqa, jinapis wawasnenqa Jehovata kasukusqankurayku mana wañuchisqaschu karqanku.