“¿Imapí Jallpʼanchik tukunqarí?”

● Jallpʼanchikta patamanta qhawarispaqa may kʼachitu rumiman rikchʼakun. Aswan qayllamanta qhawaspataq chinkananpaqjina rikukun. ¿Imaraykú? Runas saqra inquilinosjina kasqankurayku. Mana Jallpʼallatachu thuñichkanku manaqa yakuta, aireta ima chʼichichachkanku, achkha sachʼasta kʼutuchkanku, Jallpʼap tukuy imasnintataq tukuchichkanku. Chantapis runasqa millay kawsayman qukusqankurayku, Diosmanta karunchakusqankurayku ima, saqra ruwaykunata ruwanku, wañuchinakunku, khuchichakunku ima.

Bibliap profeciasninpi, kayjina kawsay kananta iskay waranqa watas ñawpaqtaña willarqa (2 Timoteo 3:1-5; Apocalipsis 11:18). Chantapis Dioslla manataq runachu kay chʼampaykunata allinchananta nikurqa. Jehovamanta sutʼinchaqkunap “Reinoyki jamuchun” nisqa jatun tantakuyninkupi, “¿Imapí Jallpʼanchik tukunqarí?” nisqa umallirichiypi chaymanta astawan sutʼinchakunqa. Kayjina jatun tantakuykunaqa Estados Unidos suyupi mayo killapi qallarinña, jallpʼantinpitaq ruwakullanqapuni.

Kay jatun tantakuyman jamurinaykipaq waqyarisuyku. Astawan yachanaykipaqqa llaqtaykimanta Jehovamanta sutʼinchaqkunata tapuriwaq, chayri kay revistata urqhuqkunaman qillqayta atiwaq. Internetpi kay www.jw.org nisqa, Argentinapi, Boliviapi ima, maypichus chantá maykʼaqchus ruwakunanta willallantaq.