6. Jallpʼantinpi willakuchkan
“Janaj pacha reinomanta evangelio tukuynejpi willasqa kanqa.” (MATEO 24:14)
● Elenaqaa Pacífico juknin churunpi Tuamotú chiqapi tiyakun. Pusaq chunkajina juchʼuy churuspi, 803.000 kilómetros cuadradospi 16.000 runaslla tiyakunku. Chaywanpis Jehovamanta sutʼinchaqkuna Elenata, vecinosninkuta ima watukuq rirqanku. ¿Imaraykú chayjina karuta rinku? Tukuy runasman Diospa Reinonmanta yachachiyta munasqankurayku.
¿IMATAQ YACHAKUN? Reinonmanta willayqa Jallpʼa kʼuchusninkama chayan. Jehovamanta sutʼinchaqkuna kay 2010 watallapi 1.600 millones horasta willarqanku, 236 suyuspi, llaqtaspi ima, kaytaq sapa Jehovamanta sutʼinchaq 30 minutosllatapis sapa pʼunchay willasqanta rikuchin. Pasaq chunka wataspitaq Bibliamanta yachachinapaq 20.000 millones publicacionesta ruwakurqa, runasmantaq jaywakurqa.
¿IMATÁ WAKIN YUYANKU? May unaymantaña evangeliota willakuchkan.
YUYASQANKU, ¿CHIQACHU? Achkha runas tukuyniqpi Bibliamanta willayta munarqanku. Kaytataq pisi tiempollata achkhas ruwarqanku, manataq karumanchu chayarqanku. Jehovamanta sutʼinchaqkunataq jallpʼantinpi may chhika runasman willayninkuwan chayanku. Atiyniyuq kamachiqkuna unaymantapacha mayta churanakuptinkupis willachkallankupuni (Marcos 13:13).b Chantapis Jehovamanta sutʼinchaqkunaqa tiempochakuspa willaq lluqsinku, publicacionestapis mana qullqita mañaspalla saqinku. Ruwayninkutaq runa qullqita munasqanmanjina qusqanwan ruwakun.
¿IMATÁ YUYANKI? “Reinonmanta evangelio”, ¿tukuy pachantinpichu willakuchkan? Kay profecía juntʼakusqan qhipaman sumaq kawsayta, ¿suyanapaqjinachu?
[Sutʼinchaykunasnin]
a Wakin sutisqa mana chaychu.
b Kaymanta astawan yachayta munanki chayqa kay Fieles ante las pruebas, Los triángulos púrpuras chantá Los testigos de Jehová se mantienen firmes ante el ataque nazi, nisqa videosta qhawariy. Kaykunatataq castellano qallupi Jehovamanta sutʼinchaqkuna urqhunku.
[9 paginapi sutʼinchaynin]
“Jehová maykʼaqkamachá munanqa sunqu kʼajaywan allin willaykunata willamullasunpuni, astawan runasman chayayta munaspa tukuy imata ruwasun.” (ANUARIO DE LOS TESTIGOS DE JEHOVÁ 2010)