Ester
Israel mayinkunapaq Mardoqueo alita rurashqan
10 Rey Asueruqa impuestukunata cobratsirqan lapan mandashqan nacionkunacho y lamar kuchuncho taqkunatami. 2 Rey Asuero lapan rurashqankunaqa juk libruchömi qelqaraykan. Tsaynölami Mardoqueo lapan rurashqankunapis tsay librucho qelqaraykan. Tsay librulachömi qelqaraykan Mediacho y Persiacho mandashqan reykuna rurashqankunapis.
3 Mardoqueutami rey Asuero churarqan lapan mandäshiqninkunapitapis mas munayniyuq kananpaq. Tsaynöpis favornin sharkushqanpitami Mardoqueuta Israel mayinkuna maytsaychöpis respitapäkuq.