Salmos

11 (1b) Noqaqa TAYTA DIOSLAMANMI yärakü.

Tsayno kaykaptinqa ¿imanirtaq nipäkamanki pishqukuna muntipa qeshpishqanno noqapis qeshpinäpaq kashqanta?

 2 Fiyu runakunaqa flëchananpaq listumi karkaykan.

Pakakuykurmi ali shonqu runakunata flëcharkaykan.

 3 Kay patsacho munashqantami rurapäkun.

Tsayno ruraptinmi ali runa karpis ima rurayta mana kamäpakuntsu.

 4 TAYTA DIOSQA *sagrädu templunchömi kaykan.

Paypa trönunqa jana patsachömi kaykan.

Tsaypita patsami runakuna imata rurashqantapis rikaykämun.*

 5 TAYTA DIOSQA ali runata probanmi.

Mana ali runata y wanutsikuqkunataqa pasaypami chikin.

 6 Fiyu runakunata jutsa rurashqanman tupumi castiganqapaq.

Paykunataqa ninawan talushqa azufri tamyawan y akaq wayrawanmi ushakätsinqa.

 7 TAYTA DIOS pitapis manami jananpantsu.

Payqa alilatami ruran.

Pay munashqanno kawaqkunaqa nawpanman chayar qaqlantami rikanqapaq.