Salmos
Kuyashqan runakunata Tayta Dios tsapashqan
Kay salmuqa Jerusalénman aywaqkuna alabananpaqmi kaykan.
125 TAYTA DIOSMAN yärakuqkunaqa *Sión jirkannömi karkaykan.
Sión jirkan imaypis kashqannömi paykunapis mana ushakaq karkaykan.
2 Jerusalénta jirkankuna tumaparaykashqannömi kuyashqan runakunata TAYTA DIOS imaypis cuidaykan.
3 Tayta Dios munashqanno kawaq runakunapa nacionninchöqa fiyu runakuna manami mandanqatsu.
Fiyu runakuna mandaptinqa jutsata rurarpis ruraykunmanchari.
4 TAYTA DIOS, munashqaykino kawaq runakunata yanapaykulay.
5 Jutsata rurar kawaqkunataqa fiyu runakunatawan iwal castigaykulay.
¡Israel nacioncho runakuna ali kawaykulätsun!