Salmos
Nakashqan höra yanapananpaq Tayta Diosta manakushqan
(1) Cantaqkunapa mandaqninpaqmi. David qelqashqan salmu.
13 (2) TAYTA DIOS, ¡imayraq yarparkamanki!
¿Pasaypatsuraq qonqaykamashqanki?
¡Imayyaqraq noqapita *pakakunki!
2 (3) ¡Imayyaqraq pasaypa lakishqala waran waran purishaq!
¡Imayyaqraq conträkunapa munaynincho kashaq!
3 (4) TAYTA DIOSNILÄ, rikaykalämay.
Manakamushqäta mayar yanapaykalämay.
Nawïpis atsikyarkunanpaq kushikuyta qoykalämay.
Mana yanapamaptikiqa wanurpis wanuykushaqchari.
4 (5) Conträ runa vincimänanta ama kachapaykulaytsu.
Ima desgracia pasamaptinpis ama asipämätsuntsu.
5 (6a) Kuyapäkuq kaptikimi yärakamü.
Salvamänaykipaq kashqanta musyarmi lapan shonqüwan kushikü.
6 (6b) Yanapamashqaykipitami alabashayki.