Bibliapita INTERNETCHO PUBLICACIUNNINCHICUNA

INTERNETCHO PUBLICACIUNNINCHICUNA

Quechua de Huánuco (Huallaga)

Salmos 20
Tayta Diospa wilakuynin (Las sagradas escrituras en el quechua de Margos-Yarowilca-Lauricocha Huánuco)

Salmos 20:2

*
Sión Siónqa Jerusaléncho jirkanmi kaykan. Siónchömi Davidpa Markan karqan y templuta sharkatsipäkurqan (Sal. 2.6; 9.11; 132.13). Tsaymi Jerusalén markapa jukaq jutin Sión kaykan (2Crón. 5.2). Bibliachömi Siónta parlapan warmita parlapaqno (Isa. 49.15, 22; Lam. 2.1).

Salmos 20:3

*
altar Altarkunaqa karqan rumiwan perqashqa y qerupita ruraykur jananpa y rurinpa bronciwan enchapashqami. Tsay altarkunachömi uywakunata rupatsir runakuna jutsankunapita perdonashqa kananpaq cürakuna Tayta Diosta manakäriq. Tsaynölami templu rurincho qoripita rurashqa taksha altarpis karqan. Tsaychömi cürakuna inciensuwan qoshtatsiq. Rumipita perqashqa altar imano kashqanta musyanaykipaq rikanki 2Sam. 24.18-cho kaq dibüjuta. Tayta Diosta mana cäsukuq runakunapis altarkunata ruraykurmi ïdulukunata adorapäkuq (Éxo. 30.1-10; Deut. 27.5-6; 2Rey. 16.10-16; 2Crón. 4.1).

Salmos 20:6

*
santu; sagrädu Tayta Dios santu kashqanta nirqa jutsaynaq kashqanta y pipis ni imapis payman mana tinkushqantami niykan (Isa. 5.16; 6.3; Apoc. 4.8; 15.4).

Runakuna santu kashqanta nirqa Tayta Dios akrashqan runakuna kashqanta (Deut. 7.6) y pay munashqanno jutsaynaq kawashqantami niykan (Lev. 20.7-8).

Sitiukuna y manëjukuna Tayta Diospaq kaptinqa sagrädu kashqantami niykan. Tsaymi Israel nacionpis (Zac. 2.12), Jerusalén markapis (Isa. 48.2) y templupis (Sal. 68.5) sagrädu kaykan. Tsaynölami jamay junaqpis (Éxo. 31.14) y fiestakunapis (Lev. 23.2) sagrädu kaykan.

Salmos 20:7

*
20.7 Sal. 33.16-17; Prov. 21.31; Ose. 1.7.”

Tayta Diospa wilakuynin (Las sagradas escrituras en el quechua de Margos-Yarowilca-Lauricocha Huánuco)

Salmos 20:1-9

Salmos

Reyta yanapananpaq Tayta Diosta manakushqan

(1) Cantaqkunapa mandaqninpaqmi. David qelqashqan salmu.

20 (2) Nakashqayki höra ruwakuptiki TAYTA DIOS yanapaykuläshunki.

Jacob yärakushqan Tayta Dios tsapaykuläshunki.

2 (3) *Sióncho kaykaq templunpita patsa yanapaykuläshunki.

3 (4) Paypaq ofrendata apashqaykita yarpaykulätsun.

Sacrificiuta *altarcho rupatsishqaykitapis chaskiykulätsun. Selah

4 (5) Shonquyki munashqanno kaykulätsun.

Imata ruranaykipaq yarpashqaykitapis kamakaykatsilätsun.

5 (6) Contraykikunata vincishqaykita mayar kushikushun.

Tayta Diosnintsipa jutincho bandërakunatapis kushishqa jawishun.

Manakushqaykitapis TAYTA DIOS chaskiykuläshunki.

6 (7) Noqa musyämi akrashqan reyta TAYTA DIOS yanapananpaq kashqanta.

Paymi *santu ciëlupita patsa manakushqanta mayanqa.

Munayninwanmi contrankunata vincinanpaqpis yanapanqa.

7 (8) Wakinqa guërra carrëtankunamanmi yärakun.

Wakinnami cawallunkunaman yärakun.

Noqantsimi itsanqa TAYTA DIOSNILANTSIMAN imaypis yärakuntsi.*

8 (9) Cawallunkunaman yärakuqkunataqa contrankuna pasaypami ushakätsinqa.

Noqantsitami itsanqa pipis mana ichipämäshuntsu.

9 (10) TAYTA DIOS, contrankunata vincinanpaq reyta yanapaykulay.

Yanapamänaykipaq manakamuptï mayaykärilämay.