Salmos
Tayta Dios munayniyuq kashqan y runakunata kuyashqan
(1) Cantaqkunapa mandaqninpaqmi. Üvata jarur cantashqayki tönuwan kay salmuta cantapäkunki. David qelqashqan salmu.
8 (2) TAYTA DIOSNILÄ, kay patsacho imaykapaqpis munayniyuqmi kaykanki.
Jana patsachöpis qammanqa manami pipis tinkuntsu.*
2 (3) Pishi wamrakuna y chuchuykaq wamrakunapis alabashunkimi.*
Tsayta rikarmi contrayki sharkuq runakuna penqakur upälakurkaykan.
3 (4) Jana patsatapis dëduykiwanmi rurashqanki.
Killata y qoylarkunatapis makikiwanmi kamashqanki.
Tsaykunata rikarmi 4 (5) kayno nir yarpachakü:
“¿Imanataq runa kaykan tsayjinanpa paypaq yarpachakunaykipaq?
¿Imanataq runa kaykan shumaq kuyaykunaykipaq?”*
5 (6) Runata kamashqanki cäsi *angilno munayniyuq kananpaqmi.
Reytanöpis churashqanki munayniyuq y respitashqa kananpaqmi.
6 (7) Lapan kamashqaykikunatapis munayninmanmi churashqanki.
Kay patsacho kaqkunataqa lapantami makinman churashqanki:*
7 (8) uyshakunata, wäkakunata, jirka uywakunata,
8 (9) päriqkunata, lamarcho pescädukunata
y tsaycho kaq tukuy casta kawaqkunata.
9 (10) TAYTA DIOSNILÄ, kay patsacho imaykapaqpis munayniyuqmi kaykanki.