Isaías 12
Tayta Diospa wilakuynin (Las sagradas escrituras en el quechua de Margos-Yarowilca-Lauricocha Huánuco)

*
Sión Siónqa Jerusaléncho jirkanmi kaykan. Siónchömi Davidpa Markan karqan y templuta sharkatsipäkurqan (Sal. 2.6; 9.11; 132.13). Tsaymi Jerusalén markapa jukaq jutin Sión kaykan (2Crón. 5.2). Bibliachömi Siónta parlapan warmita parlapaqno (Isa. 49.15, 22; Lam. 2.1).
*
santu; sagrädu Tayta Dios santu kashqanta nirqa jutsaynaq kashqanta y pipis ni imapis payman mana tinkushqantami niykan (Isa. 5.16; 6.3; Apoc. 4.8; 15.4).

Runakuna santu kashqanta nirqa Tayta Dios akrashqan runakuna kashqanta (Deut. 7.6) y pay munashqanno jutsaynaq kawashqantami niykan (Lev. 20.7-8).

Sitiukuna y manëjukuna Tayta Diospaq kaptinqa sagrädu kashqantami niykan. Tsaymi Israel nacionpis (Zac. 2.12), Jerusalén markapis (Isa. 48.2) y templupis (Sal. 68.5) sagrädu kaykan. Tsaynölami jamay junaqpis (Éxo. 31.14) y fiestakunapis (Lev. 23.2) sagrädu kaykan.

Tayta Diospa wilakuynin (Las sagradas escrituras en el quechua de Margos-Yarowilca-Lauricocha Huánuco)

Isaías 12:1-6

Isaías

Agradëcikur Tayta Diosta alabashqan

12 Tsay witsanmi Tayta Diosta alabar kayno nipäkunkipaq:

“TAYTA DIOS, qamta agradëcikurmi alabashayki.

Fiyupa rabyanätsishqa kaptïpis rabyayniki pasashqanami.

Kananqa kushirkatsimankimi”.

2 Tayta Diosmi noqakunapa salvamaqnï kaykan.

Tsaymi payman yärakur imatapis mana mantsakärïtsu.

TAYTA DIOSMI imaypis valorta qoman.

Paytami imaypis alabä.*

3 Pukyupita chuya yakuta upur kushikuqnömi salvashushqaykipita kushikärinkipaq.

4 Tsay junaqmi kayno nipäkunkipaq: “TAYTA DIOSTA agradëcikur alabashun.

Pay salvamashqantsita maytsay markakunachöpis wilakushun.

Lapanpitapis mas munayniyuq kashqanta wilakushun.

5 Salmukunata cantar TAYTA DIOSTA alabashun.

Espantaypaq kaqkunata rurashqanpita maytsaychöpis wilakushun.*

6 *Sióncho taqkuna, kushikushpantsi cantashun.

Israel runakunapa *santu Diosninmi munayninwan yanapamashqantsi”.