Salmos 70
Tayta Diospa wilakuynin (Las sagradas escrituras en el quechua de Margos-Yarowilca-Lauricocha Huánuco)

*
altar Altarkunaqa karqan rumiwan perqashqa y qerupita ruraykur jananpa y rurinpa bronciwan enchapashqami. Tsay altarkunachömi uywakunata rupatsir runakuna jutsankunapita perdonashqa kananpaq cürakuna Tayta Diosta manakäriq. Tsaynölami templu rurincho qoripita rurashqa taksha altarpis karqan. Tsaychömi cürakuna inciensuwan qoshtatsiq. Rumipita perqashqa altar imano kashqanta musyanaykipaq rikanki 2Sam. 24.18-cho kaq dibüjuta. Tayta Diosta mana cäsukuq runakunapis altarkunata ruraykurmi ïdulukunata adorapäkuq (Éxo. 30.1-10; Deut. 27.5-6; 2Rey. 16.10-16; 2Crón. 4.1).

Tayta Diospa wilakuynin (Las sagradas escrituras en el quechua de Margos-Yarowilca-Lauricocha Huánuco)

Salmos 70:1-5

Salmos

Jukla yanapananpaq Tayta Diosta manakushqan

(1) Cantaqkunapa mandaqninpaqmi. David qelqashqan salmu. Tayta Diospa *altarnincho inciensuwan qoshtatsir kay salmuta cantapäkuy.

70 (2) TAYTA DIOS, salvaykalämay.

Jukla shamur yanapaykalämay.

2 (3) Wanutsimayta yarpaqkunaqa penqaytukushpan uysurpätsun.

Mana aliman ishkinäta munaqkunaqa penqaytukushqa qeshpikäritsun.

3 (4) Asipämaqkunapis penqaytukushqa aywakäritsun.

4 (5) Qamman yärakamuqkunaqa kushikäritsun.

Salvashqayki kaqkunaqa imaypis kayno nipäkutsun: “Tayta Dios alabashqa kaykulätsun”.

5 (6) Noqaqa lakishqa karmi ima ruraytapis mana kamäpakütsu.

Jukla shamur salvaykalämay, Tayta.

Qammi kanki yanapamaqnï y salvamaqnï.

Jukla yanapaykalämay, TAYTA DIOS.