Salmos
Lakikur Tayta Diosta manakushqan
(1) Cantaqkunapa mandaqninpaqmi. Pusaq cuerdayuq instrumentuta tukapalanpa cantapäkunki. David qelqashqan salmu.
6 (2) TAYTA DIOS, rabyashpaykipis ama nakaykatsilämaytsu.
Piñashqa karpis ama castigaykalämaytsu.*
2 (3) Kuyapaykalämay, TAYTA DIOS.
Pasaypami kalpäpis ushakaykan.
Aliyaykatsilämay, TAYTA DIOS.
Intëru cuerpümi siksikyaykan.
3 (4) Pasaypa lakishqami kaykä.
TAYTA DIOS, ¡imayyaqraq mana yanapamankitsu!
4 (5) Kutimur yanapaykalämay, TAYTA DIOS.
Kuyapämashpayki wanuypita tsapaykalämay.
5 (6) Wanuqkunaqa manami yarpäshunkinatsu.
Pamparaykarqa ¿piraq alabashunki?*
6 (7) Pasaypa iktsuypa iktsurmi waqaykä.
Cada paqas waqaptïmi jawnäpis weqïwan ushmashqa kaykan.
7 (8) Waran waran waqaptïmi nawïpis pasaypa nubisyaykan.
Runakuna conträ sharkuptin pasaypa waqaylawanmi nawïpis yawartaykan.
8 (9) ¡Nawpäpita witikäriy, mana ali ruraqkuna!*
Waqashqäta TAYTA DIOS mayamashqami.
9 (10) Ruwakushqäta TAYTA DIOS awnimashqami.
Paymi manakushqäta chaskimashqa.
10 (11) Chikimaqnïkunaqa pasaypa mantsakashpan penqaytukushqami rikakunqapaq.
Paykunaqa elaqpitami chupalan tsapushqa aywakunqapaq.