Josué
Moisés wanutsishqan reykuna pï kashqanpis
12 Jordán mayuta manaraq tsimparmi ishkay reykunata wanutsir nacionninkunata Israel runakuna tsarikarkärirqan. Tsay reykunaqa mandarqan Arnón mayupita hasta Hermón puntayaqmi. Tsay karqan *Arabá pampa tsimpan inti jeqamunan kaq lädupami.
2 Juk wanutsishqan rey karqan amorreo runakunapa mandaqnin Sehón. Payqa Hesbónchömi tarqan. Rey Sehónqa mandarqan Arnón mayu nawpancho kaykaq Aroerpita patsa hasta Jaboc mayuyaqmi. Jaboc mayu amonita runakunapa lindërun kaptinmi pulan Galaadpis paypa munaynincho karqan. 3 Tsaynöpis Sehónpa munayninchömi karqan Jordán mayu nawpan pampakuna Cineret qochapita* patsa hasta Arabá Lamaryaq (Arabá Lamarqa *Kachi Lamarmi kaykan) y Bet-jesimotpita sur kaq lädupa aywar hasta Pisga nishqan punta chakinyaq. Tsaykuna karqan Arabá pampa tsimpan inti jeqamunan kaq läduchömi.
4 Jukaq wanutsishqan reynami karqan Basán partipa mandaqnin rey Og. Paylanami karqan refaíta runaqa. Og tarqan Astarotcho y Edreichömi. 5 Ogpa munayninchömi karqan Hermón puntapita hasta Salcayaq, intëru Basán partipita hasta Gesur lindëruyaq y Maaca lindëruyaq. Pulan Galaadpis Hesbóncho taq rey Sehónpa lindërunyaq paypa munayninchömi karqan.* 6 Tsay ishkay reykunatami TAYTA DIOSPA sirviqnin Moisés Israel runakunawan vincirqan. Nirkur tsay partikunatami posisionta aypurqan Rubén trïbuta,* Gad trïbuta y pulan Manasés trïbuta.
Josué wanutsishqan reykuna pï kashqanpis
7 Israel runakunawan Jordán mayuta tsimparkur atska reykunatami Josué wanutsirqan. Tsay reykuna mandashqan partikuna karqan Líbano pampacho kaq Baal-gadpita hasta Seir partiman aywaq Halac puntayaqmi. Tsay partikunata Israel trïbukunata Josué aypurqan posisionta. 8 Tsaymi Israel runakuna chaskishqan partikuna karqan jalqakuna kashqan partikuna, *Sefela, *Arabá pampa, lamar kuchun pampakuna, chunyaq tsaki partikuna y *Neguevpis. Tsay partikunaqa karqan heteo runakunapa, amorreo runakunapa, cananeo runakunapa, ferezeo runakunapa, heveo runakunapa y jebuseo runakunapami.
9 Wanutsishqan reykuna karqan:
Jericó markapa mandaqnin rey,
Bet-elpa nawpancho kaykaq Hai markapa mandaqnin rey,
10 Jerusalén markapa mandaqnin rey,
Hebrón markapa mandaqnin rey,
11 Jarmut markapa mandaqnin rey,
Laquis markapa mandaqnin rey,
12 Eglón markapa mandaqnin rey,
Gezer markapa mandaqnin rey,
13 Debir markapa mandaqnin rey,
Geder markapa mandaqnin rey,
14 Horma markapa mandaqnin rey,
Arad markapa mandaqnin rey,
15 Libna markapa mandaqnin rey,
Adulam markapa mandaqnin rey,
16 Maceda markapa mandaqnin rey,
Bet-el markapa mandaqnin rey,
17 Tapúa markapa mandaqnin rey,
Hefer markapa mandaqnin rey,
18 Afec markapa mandaqnin rey,
Sarón markapa mandaqnin rey,
19 Madón markapa mandaqnin rey,
Hazor markapa mandaqnin rey,
20 Simron-merón markapa mandaqnin rey,
Acsaf markapa mandaqnin rey,
21 Taanac markapa mandaqnin rey,
Meguido markapa mandaqnin rey,
22 Cedes markapa mandaqnin rey,
Carmelucho kay
23 Dor provinciacho kaykaq Dor markapa mandaqnin rey,
Gilgalcho kaykaq Goim markapa mandaqnin rey
24 y Tirsa markapa mandaqnin rey.
Tsay lapan wanushqan reykuna karqan kimsa chunka jukmi (31).