Salmos

137 Babiloniacho kaykaq mayukuna kuchunman jamaykurmi *Siónpaq yarparkur waqarqantsi.*

 2 Cantanantsipaq gänasnintsi mana kaptinmi arpantsikunatapis sauciman warkurqantsi.

 3 Prësu apamaqnintsikunami nimarqantsi cantapänantsipaq.

Tsay runakunaqa kushishqa kanantsitami munarqan.

Tsaymi kayno nimarqantsi:

“Sióncho kaykar cantashqaykikunata cantapämay”.

 4 Jäpa nacioncho kaykarqa ¿imanöparaq TAYTA DIOSTA alabashwan?

 5 ¡Ay Jerusalén markalä marka!

Qamta qonqaptïqa alawqa kaq makïpis tsakikäkutsun.

 6 Qamta mana yarpaptïqa y qampa jutikita mana joqariptïqa qallüpis watakäkutsun.

 7 Jerusalén markata atacaptin edomita runakuna kayno nirmi qaparparqan:

“¡Ushakätsiy! ¡Ushakätsiy!

¡Wayinkunatapis cimientuntinta ushakätsiy!”

Tsayno nishqanpita juzgaykulay, TAYTA DIOS.*

 8 ¡Babilonia marka!

Qamtapis ushakätsishunkipaqmi.

Noqakunata nakatsimashqaykipita ushakätsishuqniki runakuna kushishqa kawaykulätsun.*

 9 Wamraykikunata rumikunaman paqchiriqkuna kushishqa kawaykulätsun.