Salmos
Tayta Diosta agradëcikushqan
136 Alilata ruraq kashqanpita TAYTA DIOSTA agradëcikäriy.
Kuyapäkuyninqa manami imaypis ushakantsu.*
2 Lapan dioskunapa Diosnin Tayta Diosta agradëcikäriy.
Kuyapäkuyninqa manami imaypis ushakantsu.
3 Munayniyuq TAYTA DIOSTA agradëcikäriy.
Kuyapäkuyninqa manami imaypis ushakantsu.
4 Pay japalanmi milagrukunata ruran.
Kuyapäkuyninqa manami imaypis ushakantsu.
5 Shumaq tantiyakuykurmi jana patsatapis kamarqan.*
Kuyapäkuyninqa manami imaypis ushakantsu.
6 Yaku chawpinchömi tsaki patsatapis kamarqan.*
Kuyapäkuyninqa manami imaypis ushakantsu.
7 Intitapis y killatapis paymi kamashqa.
Kuyapäkuyninqa manami imaypis ushakantsu.
8 Intita kamarqan junaqpa atsikyänanpaqmi.
Kuyapäkuyninqa manami imaypis ushakantsu.
9 Killata y qoylarkunatanami kamarqan tsakaypa atsikyänanpaq.*
Kuyapäkuyninqa manami imaypis ushakantsu.
10 Egipto runakunapa qechpa tsurinkunatami wanutsirqan.*
Kuyapäkuyninqa manami imaypis ushakantsu.
11 Israel runakunata Egiptupitami jorqamurqan.*
Kuyapäkuyninqa manami imaypis ushakantsu.
12 Paykunata jorqamurqan mantsariypaq kaqkunata rurarmi.
Kuyapäkuyninqa manami imaypis ushakantsu.
13 Puka Lamartapis ishkaymanmi rakirqan.
Kuyapäkuyninqa manami imaypis ushakantsu.
14 Lamar chawpinpami Israel runakunata pasatsimurqan.
Kuyapäkuyninqa manami imaypis ushakantsu.
15 Faraónta y soldädunkunatami itsanqa Puka Lamarcho ushakätsirqan.*
Kuyapäkuyninqa manami imaypis ushakantsu.
16 Kuyashqan runakunatami chunyaq jirkapa pushamurqan.*
Kuyapäkuyninqa manami imaypis ushakantsu.
17 Munayniyuq reykunatami wanutsirqan.
Kuyapäkuyninqa manami imaypis ushakantsu.
18 Munayniyuq kaptinpis tsay reykunata ushakätsirqanmi.
Kuyapäkuyninqa manami imaypis ushakantsu.
19 Paymi wanutsirqan amorreo runakunapa mandaqnin rey Sihónta.*
Kuyapäkuyninqa manami imaypis ushakantsu.
20 Tsaynöpis wanutsirqan Basán nacionpa mandaqnin rey Ogta.*
Kuyapäkuyninqa manami imaypis ushakantsu.
21 Paykunapa nacionninkunatami Israel runakunata herencian kananpaq qoykurqan.
Kuyapäkuyninqa manami imaypis ushakantsu.
22 Sirviqnin Israel runakunatami herencian kananpaq aypurqan.
Kuyapäkuyninqa manami imaypis ushakantsu.
23 Ima lakikuycho kaptintsipis payqa manami qonqamantsitsu.
Kuyapäkuyninqa manami imaypis ushakantsu.
24 Chikimaqnintsikunapitami salvamarqantsi.
Kuyapäkuyninqa manami imaypis ushakantsu.
25 Lapanpaqmi mikuyta kamaripan.
Kuyapäkuyninqa manami imaypis ushakantsu.
26 ¡Jana patsacho kaykaq Tayta Diosta agradëcikäriy!
Kuyapäkuyninqa manami imaypis ushakantsu.