Salmos
Runakunata Tayta Dios juzgananpaq nishqan
(1) Cantaqkunapa mandaqninpaqmi. Ama ushakätsiytsu nishqan tönuwan kay salmuta cantapäkunki. Asaf qelqashqan salmu. Cantanantsipaqmi.
75 (2) Imaypis qamta agradëcikärïmi, Tayta Dios.
Imaypis qamta yusulpäki nipäkümi.
Yanapamashqaykipitami jutikita joqarir qamta alabapäkü.
2 (3) Tayta Dios kaynömi nin:
“Tiemputa jitashqä junaqmi runakunata mana jananpaypa juzgashaq.
3 (4) Kay patsa kuyuptin runakuna mantsakuptinpis noqami patsapa cimientunta tsararaykä. Selah
4 (5) Orgullösukunatami kayno nï: ‘Ama runa tukäriytsu’.
Fiyu runakunatanami kayno nï: ‘Ama orgullösu kapäkuytsu.
5 (6) Runakuna respitashuptiki ama runa tukäriytsu.
Ama yachaq tukur imatapis parlapäkuytsu’ ”.
6 (7) Ali rikashqa kayqa manami inti jeqamunan kaq lädupitatsu,
ni inti jeqanan kaq lädupitatsu
ni chunyaq jirka lädupitatsu shamun.
7 (8) Tsaypa trukanqa lapantapis juzgaq Tayta Diospitaraqmi shamun.
Paymi runakunata juzgar wakinta castigan y wakintana ali rikan.
8 (9) TAYTA DIOSMI castïgun winaraykaq cöpata aptaraykan.
Cöpa juntami paypa rabyaynin kaykan.
Maytsaycho taq fiyu runakunata castigarmi tsay cöpata ushananyaq uputsinqa.*
9 (10) Noqaqa Jacob yärakushqan Tayta Diospitami imaypis wilakushaq.
Alabanzakunatami imaypis paypaq cantashaq.
10 (11) Fiyu runakunataqa autoridä kashqanpitapis qarqunqami.
Ali runatami itsanqa autoridä kananpaq churanqa.