Salmos
Salvananpaq manakushqan
43 Tayta Dios, mana cäsukushuqniki runakunapita salvaykalämay.
Tsay lula y fiyu runakunapita tsapaykalämay.
2 Qamqa imapitapis tsapämaq Diosnïmi kaykanki.
¿Imanirtaq qonqaykamashqanki?
Conträ sharkuptinpis mana lakikunäpaq yanapaykalämay.
3 Promitishqaykita cumplir yanapaykalämay, Tayta.
Tashqayki *sagrädu jirkancho kaykaq templuykiman pushaykalämay.
4 Tsaynöpami *altarnikiman chayaykur arpata tukapalanpa alabashayki.
Tayta Diosnilä, qammi shumaq kushikuyta qomanki.
5 Ay vïdala vïda, ¿imanirtaq turwatä?
¿Imanirtaq lakikü?
Tayta Dioslamanmi imaypis yärakushaq.
Paytami imaypis alabashaq.
Paymi salvamaq Tayta Diosnï kaykan.