Salmos

142 (2) TAYTA DIOS, lapan kalpäwanmi manakamü yanapamänaykipaq.

Lapan shonqüwanmi ruwakamü kuyapämänaykipaq.

 2 (3) Lapan pasamashqantapis qamtami wilapä.

Lakikuykashqätapis qamtami wilapä.

 3 (4) Shonqü pasaypa lakikuptinpis qammi shakyätsimashqanki.

Purikunä näniman trampata churapämaqnömi fiyu runakuna desgracia pasamänanta munarkaykan.

 4 (5) Amïgüpis manami kantsu shakyätsimänanpaq.

Pïnïpis manami kantsu favornï sharkunanpaq.

Noqataqa manami pipis yarpämannatsu.

 5 (6) TAYTA DIOS, qamta manakamurmi kayno nï:

“Kay patsacho qamlami herenciä y tsapämaqnï kaykanki”.

 6 (7) Manakamushqäta mayaykalämay.

Valornïpis pasaypami ushakaykan.

Chikimaqnïkunapita tsapaykalämay.

Paykunaqa noqapita mas kalpayuqmi karkaykan.

 7 (8) Carcilchönömi kaykä.

Jutikita joqarir alabanäpaq jorqaykalämay.

Yanapamashqaykipita kushikurmi yärakamuq mayïkunawan alabashayki.