Salmos

113 ¡Aleluya!

TAYTA DIOSTA sirviqkuna, jutinta joqarir payta alabapäkuy.

 2 Kananpis imaypis TAYTA DIOSPA jutin alabashqa kaykulätsun.

 3 Patsa warashqanpita patsa tsakashqanyaq TAYTA DIOSTA maytsaychöpis alabapäkutsun.

 4 TAYTA DIOSMI lapan nacionta munaynincho tsararaykan.

Jana patsachöpis paymanqa manami pipis tinkuntsu.

 5 TAYTA DIOSNINTSINÖQA manami pipis kantsu.

Paypa trönunqa ciëlupita mas altuchömi kaykan.

 6 Tsaypitami rikaykämun jana patsatapis y kay patsatapis.

 7 Tayta Diosqa waktsakunata yanapanmi.

Pishïpakuqkunatapis taritsinmi.

 8 Mayor runakunawan jamaränanpaqmi churan.

Markancho respitashqa runa kananpaqmi churan.

 9 Qoluq warmitapis wawata taritsinmi.

Wawayuq kaptinmi kushishqa kawananpaq yanapan.

¡Aleluya!*