Salmos 150
Tayta Diospa wilakuynin (Las sagradas escrituras en el quechua de Margos-Yarowilca-Lauricocha Huánuco)

*
cornëta Cornëtaqa carnipa waqranpita rurashqami karqan. Cornëtata cüra tukashqanta rikanaykipaq rikanki Lev. 25.9 versïculucho kaykaq dibüjuta. Qellaypita rurashqa cornëtapis karqanmi (Núm. 10.1-10).
*
salteriu Salteriuqa taksha arpa niraqmi kaykan (1Sam. 10.5; 2Sam. 6.5; 1Rey. 10.12; 1Crón. 13.8; 15.28; 2Crón. 5.12; Sal. 33.2; 57.8; 81.2; Isa. 5.12).

Tayta Diospa wilakuynin (Las sagradas escrituras en el quechua de Margos-Yarowilca-Lauricocha Huánuco)

Salmos 150:1-6

Salmos

Tayta Diosta alabashqan

150 ¡Aleluya!

Tayta Diosta templuncho alabapäkuy.

Jana patsachöpis Tayta Diosta alabatsun.

2 Espantaypaq rurashqankunapita Tayta Diosta alabapäkuy.

Munayniyuq kashqanpita alabapäkuy.

3 *Cornëtata tukapalanpa alabapäkuy.

*Salteriuta y arpata tukapalanpa alabapäkuy.

4 Panderëtata tukapalanpa danzar alabapäkuy.

Guitärrata y kënakunata tukapalanpa alabapäkuy.

5 Platïllukunata tukapalanpa alabapäkuy.

Ali waqaq platïllukunawan alabapäkuy.

6 ¡Lapan kawaqkuna, TAYTA DIOSTA alabapäkuy!

¡Aleluya!