Salmos

138 (1b) Lapan shonqüwanmi alabashayki.

Salmukunata cantarmi jana patsacho munayniyuq kaqkunapis mayamänanpaq alabashayki.

 2 Qamman y palabraykimanqa manami imapis tinkuntsu.

Tsaymi *santu templuyki lädupa qonqurpakuykur alabashayki.

Kuyapäkuq kashqaykipita y promitishqaykita cumpliq kashqaykipitami alabashayki.

 3 Manakamuptï mayamarqaykimi.

Shakyätsimashpaykimi kalpata qomarqayki.

 4 TAYTA DIOS, palabraykita mayarmi kay patsacho lapan reykunapis alabashunkipaq.

 5 Rurashqayki ali kashqanta tantiyarmi kushikushpan alabashunki.

Pasaypa munayniyuq y kuyapäkuqmi kaykanki.

 6 TAYTA DIOS, jana patsapita patsami humildi runakunata yanapaykämunki.

Runa tukuqkunataqa manami cäsupankitsu.

 7 Ima nakaycho kaptïpis qammi yanapamanki.

Chikimaqnïkuna pasaypa rabyar conträ sharkapäkuptinpis alawqa kaq makikiwanmi tsapämanki.

 8 TAYTA DIOS, noqapaq yarpashqaykita imaypis cumplinkimi.*

Qamqa imaypis kuyamankimi.

Tsayno kaykarqa ama kachaykalämaytsu.