Bibliapita INTERNETCHO PUBLICACIUNNINCHICUNA

INTERNETCHO PUBLICACIUNNINCHICUNA

Quechua de Huánuco (Huallaga)

Salmos 29
Tayta Diospa wilakuynin (Las sagradas escrituras en el quechua de Margos-Yarowilca-Lauricocha Huánuco)

Salmos 29:1

*
ángel Kay patsata manaraq kamarmi angilkunata Tayta Dios kamarqan payta sirvinanpaq. Angilkunaqa manami imaypis wanuntsu. Tayta Diospa nawpancho karmi imaypis alabarkaykan (Isa. 6.1-3; Apoc. 5.11-12).

Angilkunaqa (1) Tayta Dios nishqankunata wilakärin (Gén. 18.16–19.29; Dan. 8.15-17; 9.21-23; Mat. 1.20-24; Luc. 1.11-20, 26-38), (2) Tayta Diospa favornin pelyapäkun (2Rey. 6.15-17; Dan. 10.13-14; Apoc. 12.7-9) y (3) Diosman yärakuqkunata tsapan y yanapan (Sal. 91.11-12; Heb. 1.14).

Satanáspa angilninkunaqa supaykunami karkaykan (Mat. 25.41; Apoc. 9.11).

Salmos 29:2

*
santu; sagrädu Tayta Dios santu kashqanta nirqa jutsaynaq kashqanta y pipis ni imapis payman mana tinkushqantami niykan (Isa. 5.16; 6.3; Apoc. 4.8; 15.4).

Runakuna santu kashqanta nirqa Tayta Dios akrashqan runakuna kashqanta (Deut. 7.6) y pay munashqanno jutsaynaq kawashqantami niykan (Lev. 20.7-8).

Sitiukuna y manëjukuna Tayta Diospaq kaptinqa sagrädu kashqantami niykan. Tsaymi Israel nacionpis (Zac. 2.12), Jerusalén markapis (Isa. 48.2) y templupis (Sal. 68.5) sagrädu kaykan. Tsaynölami jamay junaqpis (Éxo. 31.14) y fiestakunapis (Lev. 23.2) sagrädu kaykan.

Salmos 29:6

*
29.6 Tsay jirkapa jukaq jutinmi kaykan Hermón (Deut. 4.48).

Salmos 29:9

*
29.3-9 2Sam. 22.8-17; Sal. 18.7-15; Hab. 3.3-13.

Tayta Diospa wilakuynin (Las sagradas escrituras en el quechua de Margos-Yarowilca-Lauricocha Huánuco)

Salmos 29:1-11

Salmos

Tayta Diospa voznin munayniyuq kashqan

(1a) David qelqashqan salmu.

29 (1b) *Angilkuna, TAYTA DIOSTA alabapäkuy.

Munayniyuq kashqanpita alabapäkuy.

2 Jutinta joqarir TAYTA DIOSTA alabapäkuy.

Munayniyuq *santu TAYTA DIOSTA adorapäkuy.

3 TAYTA DIOSPA vozninqa lamar jananpitami mayakämun.

Jana patsapitapis TAYTA DIOSMI räyu bunruruqno parlamun.

Lamarpitapis mas munayniyuqmi kaykan.

4 TAYTA DIOSPA vozninqa mantsariypaqmi mayakämun.

TAYTA DIOSPA vozninqa espantaypaqmi kaykan.

5 TAYTA DIOSPA vozninqa cedru yöratapis pakinmi.

Líbanucho kaq cedru yörakunatapis chipyaqmi tunitsin.

6 Tayta Diospa vozninqa Líbano jirkatapis becërrutanömi brincatsin.

Sirión jirkatapis* waqraq törutanömi saltatsin.

7 TAYTA DIOS parlamuptinqa ninami tamyamun.

8 Chunyaq jirkakunatapis siksikyätsinmi.

Cades jirkatapis kuyutsinmi.

9 Encina yörakunapa rämankunatapis wimpikätsinmi.

Muntikunatapis chipyaqmi tsaqun.

Templunchömi lapanpis adorarkaykan.*

10 TAYTA DIOSMI tamyatapis tamyatsimun.

TAYTA DIOSMI imayyaqpis rey kaykan.

11 TAYTA DIOSMI payman yärakuq runakunata yanapan.

Bendicionninta churamuptinmi jawkala kawapäkun.