Salmos
Tayta Dios salvananpaq manakushqan
Kay salmuqa Jerusalénman aywaqkuna alabananpaqmi kaykan.
120 Pasaypa lakikurmi TAYTA DIOSTA manakushqä.
Tsayno manakushqätami mayamashqa.*
2 TAYTA DIOS, lula runakunapita salvaykalämay.
Tumpakuq runakunapita tsapaykalämay.
3 Lula runa, tumpakuq kashqaykipita ¿imataraq jorqunki?
4 ¡Ali chölupa afilashqa flëchalantami tarinki!
¡Retämapa shanshalantami tarinki!
5 ¡Pasaypami lakikü!
¡Meseccho y Cedarcho taykaqnömi kaykä!
6 Chikikuqkunapa nawpancho atska watanami kawaykä.
7 Runakuna ali kawanantami munä.
Ali kawapäkunanpaq yätsiptïpis chikinakur y pelyalarmi kawapäkun.