Introducción
Familianchiwan cushishga cawananchipaj yanapacuycuna
Canan wichan achca familiacuna raquicärin, pero ¿imanirtaj waquin familiacunaga mana raquicaypa cawapäcun? ¿Imaraj yanapacushga?
Perú marcacho Superintendencia Nacional de Registros Públicos (Sunarp) nishgan wilacun 5046 runacuna divurciacärirgan 2018 watacho, cayga cargan 4.90% masraj 2017 watapita.
Waquin runacuna nipäcun “alita o mana alita ruraptinpis wamracunata ama imatapis nishwanchu”. Waquincunanami nin wamracunata astashwanraj yachacunanpaj. Chaymi taytacuna musyannachu imano wamrancunata ali ashmananpaj.
Mozo-jipashcuna mayurna carpis manami yachanchu imatapis rurayta.
Pero familianchiwan cushishga cawayta puedinchirämi.
Majachacashgacuna mana raquicaypa cawapäcuyta puedinmi.
Taytacuna yachacuyta puedinmi wamrancunata cuyacuywan ashmananpaj.
Mozo-jipashcuna yachacuyta puedinmi ali runa capäcunanpaj.
¿Imaraj yanapämanchi? Gatejnin caj 12 yachachicuycuna yanapämanchi familianchiwan cushishga cawanapaj.