¿Imatataj yachachimanchi Locu Tamyapita wilakuy?

Mana cäsokojkunataga ushakärachirganmi Diosninchi, pero Noëtawan familiantaga salvarganmi (Génesis 7:11, 12, 23)

Mana paraypam 40 junajkunapa y 40 pagaskunapa tamyamurgan. Chay locu tamyawanmi Patsachö yaku juntarirgan y lapan mana ali runakuna wanuyargan.

Runaman tikrashga angelkunaga yapaymi espïrituman tikrayargan Satanaswan junto kayänampaj. Kananga demoniokunam kayan.

Arcachö kaykajkunalam salvakuyargan. Tiempowannam Noëwan familian wanuyargan, pero Diosga kawarachimungam imay-yajpis kawakuyänampaj.

Diosmi yapay ushakächinga mana ali runakunata, pero ali kajta rurajkunataga salvaykungam (Mateo 24:37-39)

Pï maypis Jehoväta mana wiyakuyänampajmi Diablowan demoniokunaga imaykata ruraykäyan.

Noëpa tiemponchönölam kanampis runakunaga Diosta cäsokuyta munayanchu. Ichiklanam pishin juyu o fiyu runakunapa ushakäynin (2 Pedro 2:5, 6).

Pero Noënö Diosta cäsokoj runakunapis kayanmi. Paykunam Jehoväpa testïgonkuna kayan.