¿Imanirtaj Jesús wanurgan?

Jesusga wanushga noganchi imay-yajpis kawakunapajmi (Juan 3:16)

Jesús wanungampita kimsa junajkunatam, Jesuspa cuerponta rikäyänampaj warmikuna aywayargan, pero manam tariyarganchu. Jehovämi kawarachimurgan.

Chaypitanami apostolninkunata Jesús yuripargan.

Kawariramurga manam runanachu kargan, angelkunapatanö cuerpotam Dios gorgan. Gatejninkunaga rikäyarganmi ciëloman kutikojta. Kananga, imaypis mana wanoj aläpa puëdej espïritum.

Diosga Jesustam kawarachimushga y gobernanampajmi churashga (Daniel 7:13, 14)

Jesús wanunganrëkurmi juchapita y wanuypita runakuna librakuyta puëdiyan (Mateo 20:28). Chaymi Diosninchi mana wanuypana kawachimayninchita puëdin.

Jesustam Jehová akrashga ciëlopita kay Patsata gobernamunampaj. Pero manam kikilanchu gobernamunga. Paywanmi kaykäyanga 144.000 ali wiyakoj ciëlopaj akrashga runakuna. Chaytami ninchi Diospa Gobiernon (Apocalipsis [Revelación]14:1-3).

Chay Gobiernom entero Patsata mushojman tikrarachinga. Mananam kanganachu guërrakuna, maganakojkuna ni mikuypita nakajkunapis. Runakunaga aläpa kushishgam kawakuyanga (Salmo 145:16).