6. ¿Imataj pasamanchi wanuptinchi?

1 RUNA WANUPTINGA, CAWAYNIN ILACANMI

“Wañushacunami ichanga imatapis mana musyanchu”(Eclesiastés 9:5).

¿Imataj pasamanchi wanucuptinchi?

• Salmo 146:3, 4; Eclesiastés 9:6, 10

  Wanucurga mananami ricanchinachu, mayanchinachu ni yarpanchinachu.

• Juan 11:11-14

  Wanuyga punuy cuentalashi, chaytami Jesús nishga.

2 JEHOVAGA MUNARGANCHU WANUNANCHITA

“Ichanga ama micunquichu allita mana allita musyachicoj yörapa wayuynillanta. Chayta micushpayquega wañunquipämi”(Génesis 2:17).

¿Imanirtaj wanunchi?

• Génesis 3:1-6

  Lulacoj Satanasga Evata nergan Diosta mana casuptenga imapis mana pasanampa. Adanwan Evaga manami Diosta casucärerganchu, tiempuwanga wanupäcurganmi.

• Génesis 3:19

  Adán wanurishganlachomi cawaynin ushacash.

• Romanos 5:12

  Juchayoj cayga nacachicoj geshyanomi, chaytaga charanchi Adanwan Evapa culpanraycurmi. Lapayninchipis juchayojmi canchi, chaymi wanunchi.

• 1 Corintios 15:26

  Bibliaga wilacunmi wanuy enemigunchino canganta.

3 WANUYPITA YACHACURGA LIBRAMANCHIMI

“Ichanga runa wanushpan ¿cawarimongachuraj?” (Job 14:14).

Wanuypita rasumpa cajta yachacurga, ¿imacunapitataj libracushwan?

• 1 Juan 4:8

  Infiernupita yachachicuyga Jehová Diosninchïtami ofendin. Payga manami chaynopa castigamashwanchu.

• Apocalipsis 4:11

  Maychicaj runacunami wanushga cajcunata manchacärin, y waquincunaga chaycunatami adorapäcun. Pero Jehovalatami adorashwan, paylami rasumpa caj Diosga.