9. ¿Aycataj pishin cay mundo ushacänampa?

1 JEHOVAMI WILAMANCHI IMA PASANAMPAJ CAJTA

“Nogami gallarinanpita-pacha willacachë imano cananpaj cashantapis. Shamoj watacunacho ima cananpaj cajtapis” (Isaías 46:10).

¿Ima nishwantaj cay ushacaj tiempupita?

• Daniel 7:13, 14

  1914 watachomi Jesús cielucho gobernar galaycamushga.

• Mateo 24:3-14

  Jesusmi wilacamurgan canan wichan sasa goyay canampaj.

• Apocalipsis 12:7-9, 12

  Gobernayta galaycushgan wichanmi, Jesusga cay Pachaman Satanasta jitaramurgan. Satanasga alapa rabiash caycan porque “musyaycanmi wallca” tiempunlana pishinganta. Chaypitanami Diosga mana permitinganachu mana alicunata rurananta.

2 USHANAN TIEMPUCHONAMI CAWAYCANCHI

“¿Imataj rimëru canga [...], cay pacha ushacänanpäna cashantapis musyanäcunapaj?” (Mateo 24:3).

¿Ricashganquichu Biblia wilacushgan cumplicaycanganta?

• Mateo 24:7; Lucas 21:11

  Imaypitapis cananmi pasaycämun guerracuna, micanay o muchuy, terremotucuna y gueshyacunapis.

• 2 Timoteo 3:1-5

  Pabluga wilacurganmi canan wichan runacuna imano canampaj cajta.

• Daniel 12:4

  Sirvejnincunatami Diosga yanapaycan Palabran Bibliata shumaj tantiapäcunampa.

• Mateo 24:14

  Diospa Gobiernunpita ali wilacuycunaga may chaymanmi chayaycan.

3 JEHOVÁ DIOSNINCHI MUNASHGANLATA RURAY

“Musyanquinami suwa illajpita chacaypa shamushanno pay cutimunanpaj cashanta” (1 Tesalonicenses 5:2).

Cay mundo ushacänampajna caycaptinga, ¿imataraj ruranquiman?

• Juan 17:3

  Bibliapita yachacuy y ama jaguiriychu.

• Hebreos 10:24, 25

  Más yachacunayquipäga Jehovapa testiguncunapa reuniunnincunaman ayway.

• Santiago 4:8

  Dioswan amigo canayquipajga ali cajcunalata ruray.

• Lucas 21:34-36

  Papäninchi Jehovalata aduray. Chaytaga manami imaypis gongarinquimanchu.