Jehovapa testiguncunata Pushajcuna cartacamushgan
“Yachatsikuqna karkaykankiman” (Heb. 5:12). Lapanta Camaj Diosninchi Jehová mañamanchi paypita waquincunata yachachinapaj. Chaymi castanchicunata, congregaciuncho cajcunata y runacunatapis yachachir alapami cushicunchi. Aumi, calpachacunchi pay gomashganchi carguta ali cumplinapaj. Pero, ¿imatataj rurashwan ali yachachicoj canapaj?
Timoteuta apóstol Pablo ima nishganta cäsucunanchi, payta nergan: “Tayta Diospa palabranta wawqi panikunata liyipanki, yachatsinki y shakyätsinki”. Caytapis nergan: “Tsayno kawashpaykimi kikikipis salvakunki y yachatsishqaykita chaskikuqkunapis salvakärinqa” (1 Tim. 4:13, 16). Diospita yachachicushganchega runacunapa vidanta salvan, chaymi calpachacunanchi ali leinapaj y shumaj yachachicunapaj. Cay publicaciunmi yanapämäshun imano chayta ruranapaj. Ricärishun imano rurashga cashganta.
Cada yachacuycho caycaj textucuna tantiachimanchi imapita parlashganta y imano ruranapäpis.
Jehovano ali yachachicojga manami pipis canchu (Is. 30:20). Cay publicaciunga yanapäshunqui leishgayquicho y yachachicuyniquichopis mejoranayquipaj. Pero ama gongaychu lapan yachachicushganchicunaga Jehovapita shamun y paymi pitapis marcanman pushamun (Juan 6:44). Chaymi mañacunayqui espiritunwan yanapäshunayquipaj. Imaypis Bibliapitami yachachinquiman y Jehovapita masga parlanquiman, manami gampitachu. Calpachacuy wiyaycajcuna lapan shongunwan Jehovata cuyananpaj.
Diosninchega invitashushcanqui cay Pachacho manaraj imaypis wilacushgan ali wilacuycuna runacunata yachachinayquipaj. Chaymi yäracuy ‘Tayta Dios yanapäshunayquipaj’, chayta rurarga lapanmi ali yargunga (1 Ped. 4:11).
Yanapacoj masiquicuna,
Jehovapa Testiguncunata Pushajcuna