¿Imataj yachacunchi achca watapana Jehovata sirviycajcunapita?

Maychicaj hermanunchicuna achca watapa Jehovata sirvircaycan, capazchi congregaciunniquichopis juc ishcaylaga carcaycan. Paycunaga lapan shongunwan Jehovalaman yaracun, y mayraj yachacunapaj caycan paycunapita. Mayganlatapis nirishwan wilapamänanchipaj paycuna Diosta sirvir galaycuptin imacuna cashganta y canancama imacuna logracämushganta. Alichi canman pilatapis invitanapaj aylunchiwan Diosta adurashganchi hora paycunawan parlananchipaj.

Gampis achca watapana Jehovata sirviycarga, mozo jipashcunata wilacamuy imacunata yachacushgayqui, paycunapis yachacärinanpaj. Chaynolami Jacobwan Josepis rurargan, paycunaga miraynincunata wilapargan Jehovapa awnicuynincunapita (Gé 48:21, 22; 50:24, 25). Chaypita taytacunata Jehová nirgan wamrancunata yachachinanpaj y wilapänanpaj Jehovapa imayca ruraynincunapita (Dt 4:9, 10; Sl 78:4-7). Canan wichanpis taytacuna y waquin cristianucunapis mozo jipashcunata wilapan unay watacunapita canancama imano Jehová sirvejnincunata yanapashganta.

CAY VIDEUTA RICÄCHIY: GATICACHASHGA CAYCARPIS JUC YARPAYLA CAPÄCURGAN. NIRCUR TAPUPÄRIY:

• Waquin marcacunacho hermanucuna gaticachashga caycaptin, ¿imanotaj yanapacurgan Austria sucursalcho caycajcuna?

• ¿Imatataj cay hermanucuna rurapäcurgan fenincuna aliyarcunanpaj?

• ¿Imanirtaj Rumania marcapita hermanunchicuna raquicärirgan jucnincunapita, y imanirtaj yapay cutipäcamurgan?

• ¿Imanotaj yanapämanchi cay video?