Sirvejnincunatami Jehová yanapan

Pascua fiestata chaylaraj ruraptinga, mana gongaypaj junaj cargan. Guechpa caj wamran wanushga canganta ricar, faraunga Moisesta gayaycachir cayno nirgan: ‘Canan hora aywacuy. Egiptucunapita yargamuy lapan Israel-masiquicunawan. Nishgayquino jucla aywacuy TAYTA DIOSTA aduranayquipaj’ (Éx 12:31). Caywanmi Jehová musyachicurgan sirvejnincunatami alapa cuidanganta.

Canan wichan Jehovapa sirvejnincuna imata ruranganta ricarga, cuentata gocunchi Jehová espiritunwan pushaycanganta y yanapaycanganta. Chaylaraj yargamushga videupis masta wilamanchi chaypita, titulunga caynomi: “Jehovapa jutinta apaj runacuna”.

CAY VIDEUTA RICÄCHIY: WARWICK MUSEO NISHGANCHO IMA CASHGANTA REGUINAPAJ: “JEHOVAPA JUTINTA APAJ RUNACUNA”. NIRCUR TAPUPÄRIY:

• 

  1914 wata wichan Bibliata estudiajcuna, ¿imatataj utilizargan rasunpa cajta yachachinanpaj, y caywanga imatataj logracämushga?

• 

  1916 y 1918 watacunacho, ¿imanirtaj alapa sasa cargan, y imanirtaj ninchi paycunata Jehová pushashganta?

• 

  ¿Imanotaj unaypita canancama Diospa sirvejnincuna gaticachashga captinpis Jehovalata sirvircaycan?

• 

  ¿Diospa sirvejnincunaga imataj tantiargan 1935 watacho, y imanotaj sienticurgan?

• Cay video wilacushganta wiyar, o Betelman watucoj aywar, ¿imanotaj yanapäshushcanqui yaracunayquipaj Jehová imaypis sirvejnincunata yanapaycanganta?