Yachachicuyniqui imano aliyarcunanpaj: Timbri o cámara niraj maquinapa predicay

¿IMANIRTAJ CHAYTA RURASHWAN? Alapa suwa captin, maychicaj runacuna timbri o cámara niraj maquinata puncunpa laduncho churapäcun. Wasiyojta ricayta manami puedinchichu, pero paycunaga ricamanchi o wiyamanchi. Chaymi, yachachicur hora capaz manchacunchi parlayta chay timbri o cámara niraj maquinacunapa. Canan ricärishun imataj rurashwan mana manchacuypa predicanapaj timbri o cámara niraj maquinacunapa.

IMANOTAJ RURASHWAN

• Cushi cushila yachachicuy. Timbri o cámara niraj maquinan captinpis, runacunaga wiyamänanchipaj listu carcaycan.

• Yarpay, waquin camaraga grabaycanna timbrita manaraj lapiriptiqui y waquin runacunaga wiyaycämanchi o ricaycämanchi puncunman chayaptinchi.

• Pilapis chay timbrilapa contestashuptiquiga, cushishga y mana manchacuypa parlapay. Runacuna nawpayquicho caycanganno yachachicuy. Puncuncho camara captinga ama alapa witimuychu, runacuna mana contestashuptiquiga mensajita ama jaguiriychu.

• Yachachicur ushariptiqui, capazchi runacuna wiyaycäshunquiraj o ricaycäshunquiraj; chayta gongaychu.