Casaracushgayquiwan shumaj goyay

Casaracur awnicushgayquiga alapa valuryojmi Jehovapaj, y majayquipita mana raquicaylapa cawacunayquitami munan (Mt 19:5, 6). Casaracushga cajcuna Jehovata sirvir cushishgami cawapäcun. Chayno captinpis, öraga problemacunapa pasapäcunmi. Chaymi problemacunapa pasarga, jucla raquicanayquipaj o divurciacunayquipaj ama yarpachacuychu. ¿Imataj yanapashunqui majayquiwan shumaj goyanayquipaj?

Ricärishun pichga consejucunata:

1. Shonguyquicho juccunata mana munapaychu, melanaypaj cajcunatapis chiquiy. Chaycuna casarashgacunatami raquichin (Mt 5:28; 2Pe 2:14).

2. Jehovawan más amigo cay y casaracushga vidayqui Jehovata cushichinanpaj calpachacuy (Sl 97:10).

3. Jehová cuyacoj cashganno cay y majayquita cushichinayquipaj imaypis shongunpano imalatapis ruray (Col 3:8-10, 12-14).

4. Imaypis respetaylapa y yachanaylapa parlapay (Col 4:6).

5. Majayquiwan punuptiquiga cuyacuylawan cacuy (1Co 7:3, 4; 10:24).

Casaracushga vidata respetarga, Jehovatami respetaycanchi.

CAY VIDEUTA RICÄCHIY: MANA UTICAYPA CORRISHUN: IMANO CORRINAPAJ MANDACUSHGANCUNATA CASUCUSHUN. NIRCUR TAPUPÄRIY:

• 

  Casaracushga vida shumaj galaycuptinpis, ¿ima problemacunata yurircamunman?

• 

  Casaracushga cajcuna mala vidapa pasar, ¿imanotaj Bibliapa tantiachicuynincuna yanapanman?

• 

  ¿Imataj Jehová consejan casaracushgacunata?

• Casaracushga warmi y runa, ¿imatataj rurapäcunman cushishga goyänanpaj?